ა(ა)იპ აგროსერვის ცენტრის ჩაქვის ციტრუსოვანთა სანერგე მეურნეობაში სტუმრად მყოფ აჭარის მთავრობის თავმჯდომარეს და ფერმერებს აჭარის სოფლის მეურნეობის მინისტრმა, ლაშა კომახიძემ ციტრუსოვანთა ახალი ჯიშებისა და მათი თავისებურებების შესახებ მიაწოდა ინფორმაცია.

აჭარის ა.რ. მთავრობის ადმინისტრაციის პრესსამსახურის ინფორმაციით, ჩაქვის სადემონსტრაციო-სანერგე მეურნეობაში ციტრუსოვანთა - სადედე და საკოლექციო ციტრუსის სხვადასხვა ჯიშის ნარგაობები 12,2 ჰექტარზეა გაშენებული. მიმდინარე წელს ფერმერებზე გასაცემად მზად არის 7000 ძირზე მეტი მანდარინის სტანდარტული ნერგი.

აღნიშნულ სანერგე მეურნეობაში მიმდინარე წლის აგვისტოში დაიმყნო 1600 ძირზე მეტი ნერგი, მათ შორის: 9660 ცალი სხვადასხვა ჯიშის მანდარინი, 2300 ცალი ლიმონის ნერგი (მეიერი, კარა, ქართული ლიმონი); ასევე 1680 ცალი ფორთოხლის და გრეიფრუტის სხვადასხვა ჯიშის ნერგი.

მიღებულ ნერგებს 2017 წლის შემოდგომაზე აგროსერვის ცენტრი ფერმერებს შეღავათიან ფასად მიაწვდის.

პრეზენტაციის დასკვნით ნაწილში, მინისტრმა ფერმერები მანდარინის საადრეო ჯიშების მოსავლის რთველზეც დაპატიჟა. რთველში აჭარის მთავრობის თავმჯდომარე ზურაბ პატარაძეც ჩაერთო.

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ზატულინი -ევროკავშირი საქართველოს რუსეთის წინააღმდეგ „მეორე ფრონტის“ გახსნისკენ უბიძგებს

საქართველოში რუსეთის ინტერესების სექცია - ახალი პატრიარქის არჩევის შესახებ ამბავი რუსეთში დიდი ენთუზიაზმით მიიღეს

ავსტრიამ ორჯერ ჩაჭრა აშშ-ის საჰაერო ძალების თვითმფრინავები ფრენის ნებართვის გარეშე

ტელეკომპანია „დოჟდის“ მთავარ რედაქტორს ტიხონ ძიადკოს „ყალბი ამბების“ საქმეში რვა წლით თავისუფლების აღკვეთა მიესაჯა