მთავრობამ დღევანდელ სხდომაზე არასრულწლოვანთა მართლმსაჯულების კოდექსი დაამტკიცა, - ამის შესახებ იუსტიციის მინისტრმა თეა წულუკიანმა მთავრობის ადმინისტრაციაში გამართულ პრესკონფერენციაზე განაცხადა.

იუსტიციის მინისტრმა  კოდექსით გათვალისწინებულ სიახლეებზე დეტალურად ისაუბრა:

"დღეს მთავრობამ დაამტკიცა პოლიტიკური მნიშვნელობის დოკუმენტი- არასრულწლოვანთა მართლმსაჯულების კოდექსი. ამ კოდექსის თანახმად, როდესაც ის შევა ძალაში, საქართველოს ეყოლებიან სპეციალიზირებული მოსამართლეები, პოლიციელები, პროკურორები, სოციალური მუშაკები, ვინც ბავშვთა სისხლის სამართლებრივ საკითხებში იქნებიან სპეციალიზირებული და იქნებიან პროფესიონალები. აგრეთვე, იურიდიული დახმარების ბიუროში შეიქმნება მუდმივმოქმედი ჯგუფი ადვოკატებისა, რომლებიც ბავშვთა საქმეებზე იმუშავებენ, ამ კოდექსით შემოდის ისეთი სამართლებრივი თანამედროვე ტერმინები და ცნებები, როგორიც არის უკიდურესი ზომის სახით პატიმრობა ბავშვისთვის 14-18 წლამდე ასაკის, აგრეთვე ინდივიდუალური მიდგომა არასრლუწლოვნისადმი, რათა მისი მომავალი ბედი იყოს  სისხლის სამართლის პროცესში განმსაზღვრელი და ის, ვინც ჩაიდენს დანაშაულს, სახელმწიფომ იზრუნოს იმაზე, მრომ რეციდივისტად არ ჩამოყალიბდეს.ბავშვის საუკეთესო ინტერესი იქნება წამყვანი ამ პროცესში.განრიდება, მედიაცია, აღდგენითი მართლმსაჯულება, აგრეთვე ბრალდებულად ყოფნის ვადა თუ დიდებისთვის არის 9 თვე, არასრულწლოვნებისთვის იქნება 6 თვე. თუ სრულწლოვნებისთვის წინასასამართლო სხდომა არის 60 დღე, არასრულწლოვნებისთვის იქნება 40 დღე.აიკრძალება არასრულწლოვნისთვის სასჯელი  უვდო პატიმრობის სახით. აგრეთვე, ძალიან დიდი სიახლეა ის, რომ ჩვენ  ერთის მხრივ აუცილებელია, რომ არასრულწლოვნების ინტერესებს მოვარგოთ სისხლის სამართლის მართლმსაჯულება, მაგრამ გავაგრძელოთ ეფექტიანად ბრძოლა დანაშაულის წინააღმდეგ. ამისათვის შემოგვაქს შემდეგი პრინციპი, რომ როგორც კი არასრულწლოვანი მოიხდის სასჯელს, ეს სასჯელი ჩაითვლება გაქარწყლებულად, გარდა იმ შემთხვევისა, თუ ის თავიდან  ჩაიდენს დანაშაულს, რა შემთხვევაშიც გაცოცხლდება ნასამართლობა. ჩვენ პილოტურ რეჟიმში არასრულწლოვნებისთვის შემოგვაქვს სასჯელის სახით შინაპატიმრობა, რაც პირველად ინვესტიციას მოითხოვს სახელმწიფოსთვის, რათა სასჯელაღსრულების სამინისტრომ პროგრამის დონეზე სამაჯურების შესყიდვის პროცესში შეძლოს ამის იმპლემენტაცია პრაქტიკაში და საბოლოო ჯამში სახელმწიფო დიდ ეკონომიას მიიღებს.თქვენ იცით შინა პატირმობა სახელმწიფოს გაცილებით ნაკლები უჯდება, ვიდრე პატიმრის მოვლა-პატრონობა საპატიმროში. ჩვენ არასრულწლოვნების შემთხვევაში შემოგვაქვს მოწმის დაკითხვის ახალი წესი, რომელიც თქვენ იცით, სრულწლოვნების შემთხვევაში რამდენჯერმე გადავადდა. ეს და ძალიან ბევრი სხვა ინოვაცია, ცვლილება შემოაქვს ამ კოდექსს. მინდა, საზოგადოებას, მთავრობას, ყველა იმ  ექსპერტს ვინც ამაში იყო ჩართული, ევროკავშირს მივულოცო მთავრობის ეს ერთსულოვანი გადაწყვეტილება",-განაცხადა თეა წულუკიანმა

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სააკაშვილი: ჩვენ გვჭირდება ადამიანები სტრატეგიული ხედვითა და დიდი გამბედაობით

გარდაბანში ავარიის შედეგად 8 ადამიანიდან 7 ადგილზე დაიღუპა, ერთი კრიტიკულ მადგომარეობაშია - ვიდეო

15-16 მაისს მოსალოდნელია დროგამოშვებით ნალექი - სააგენტოს გაფრთხილება

ახალი ამბების სააგენტო „ექსპრესნიუსის“ დაფუძნებიდან 17 წელი გავიდა - გაეცანით ჩვენს ისტორიას