თბილისში  მაღალტექნოლოგური ცენტრი „სილიკონ ველი თბილისი“ 16 სექტემბერს გაიხსნება.

როგორც “სილიკონ ველი თბილისის“ პროექტის ხელმძღვანელმა მიხეილ ბატიაშვილმა განაცხადა,  ცენტრს 60-ზე მეტ წამყვან კომპანიასთან საქართველოსა და  უცხოეთში  თანამშრომლობის კომუნიკე უკვე გაფორმებული აქვს.

„სილიკონ ველი თბილისი“ ერთ სივრცეში აერთიანებს ბიზნესისა და ტექნოლოგიების უნივერსიტეტს, IT აკადემიას, ბიზნეს აქსელატორს, გადამზადების ცენტრს, ვირტუალური რეალობის ლაბორატორიას, ტექნოლოგიური პროდუქტების განვითარების ცენტრს, დასაქმების პლატფორმას, კვლევით ცენტრს, მედია ველს, სკოლას,  ტექნოლოგიების საკვირაო სკოლასა და სპორტულ ინფრასტრუქტურას.

„სილიკონ ველი თბილისი“ ბაგებში, ჭავჭავაძის გამზირის  ნომერ 82-ში,  სუფთა, გამწვანებულ და რეკრეაციულ ადგილზე მდებარეობს. ის ოფიციალურ გახსნამდე  რამდენიმე დღით ადრე,  მედიის წარმომადგენლებმა დავათვალიერეთ.

როგორც აღინიშნა, "სილიკონ ველი თბილისმა" მოიპოვა  ექსკლუზიური წვდომა  გლობალურ სამუშაო  ადგილებზე საქართველოდან დასაქმების შესაძლებლობაში, სადაც ყოველდღიურად  მსოფლიოს სხვადასხვა  ქვეყნის  მეგა კომპანიები ათ მილიონზე მეტ  სამუშაო ადგილზე საკუთარ მოთხოვნებს აფიქსირებენ.

" პროექტის უნიკალურობა მდგომარეობს იმაში, რომ გარდა განათლების მიღებისა სტუდენტებს  შეეძლებათ მიიღონ პრაქტიკული გამოცდილება და ადგილზევე დასაქმდნენ. დასაქმებაში იგულისხმება, როგორც საქართველოში არსებული ყველა წარმატებული კომპანია, ასევე იგულისხმება დასაქმება საქართველოდან უცხოეთში. სწორი გადამზადების შემთხვევაში შესაძლებელია გავაჩინოთ სრულიად ახალი სამუშაო ადგილები. პროექტის პირველი ფაზა უკვე დასრულებულია და განათლების კლასტერი ფუნქციონირებს რამდენიმე დღეში დაიწყებს. ასევე, მეორე ფაზის განხორციელებას მალევე დავიწყებთ, რომელიც გულისხმობს საერთო საცხოვრებლების მშენებლობას, რომ ის ხელმისაწვდომი იყოს არა მხოლოდ საქართველოსთვის, რეგიონის სხვა  ქვეყნებისთვისაც“, - განაცხადა მიხეილ ბატიაშვილმა.

ბიზნესისა და  ტექნოლოგიების უნივერსიტეტის რექტორის  მიხეილ ბატიაშვილის თქმით,  "სილიკონ  ველი  თბილისის" მიზანია,  გახდეს რეგიონის საგანმანათლებლო  ჰაბი, გლობალიზაციის პირობებში  უპასუხოს განათლების თანამედროვე მოთხოვნებს, მოამზადოს მსოფლიო სტანდარტების  მაღალკვალიფიცური კადრები, რომლებიც "სილიკონ ველი თბილისის" მენეჯმენტის დახმარებით, მსოფლიოს  წამყვან კორპორაციებში ქვეყნიდან გაუსვლელად დასაქმდებიან.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მარგუს ცაჰკნა - ძალიან ვწუხვარ, რომ ქართული რეჟიმი აბსოლუტურად სხვა გზას მიჰყვება, არა ევროკავშირისკენ გზას

16-17 ივნისს თბილი და უმეტესად უნალექო ამინდია მოსალოდნელი, ხოლო 18 ივნისს გაწვიმდება

რუსული ავიაკომპანია Red Wings ბათუმისკენ ფრენებს კიდევ 6 ქალაქიდან შეასრულებს

თენგიზ შარმანაშვილი პოლიციელების მხრიდან ძალადობაზე - კიდევ მოხდება ხვალაც, ზეგაც