ვითიბი ბანკის სპონსორობით ბათუმში სპორტულ ტანვარჯიშში საერთაშორისო ტურნირი გაიმართება

2016-09-14 11:27:18, 1307 ნახვა

სამართალი

ვითიბი ბანკის მხარდაჭერით, 15- დან 20 სექტემბრამდე ქალაქ ბათუმში გაიმართება რუსუდან სიხარულიძის სახელობის საერთაშორისო ტურნირი სპორტულ ტანვარჯიშში.

აღნიშნული ტურნირი უკვე მესამედ იმართება. მასში მონაწილეობას იღებს 80 -მდე სპორტსმენი, 12 ქვეყნიდან. მსაჯთა კოლეგიაში წარმოდგენილი არიან ოლიმპიური და მსოფლიო ჩემპიონები.

ვითიბი ბანკი 2012 წლიდან საქართველოს სპორტული ტანვარჯიშის სახეობათა ფედერაციის გენერალური სპონსორია.

საქართველოს სპორტული ტანვარჯიშის ფედერაციაში აღნიშნავენ:

სპონსორობის გარდა, ვითიბი ბანკი აქტიურად ეხმარება ფედერაციას სხვდასხვა პროექტების განხორციელებაში და მათ შორის აღნიშნული ტურნირის ჩატარებაში. ვითიბი ბანკის მხარდაჭერა მნიშვნელოვანია მომავალი და დღევანდელი სპორტსმენების წინსვლისთვის, სპორტული ტანვარჯიშის პოპულარიზაციისა და განვითარებისთვის საქართველოში.

(NS)

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან