ალაზნისპირა მიწების დამშრობი სისტემის რეაბილიტაციის II ეტაპი დაიწყო

2016-09-10 13:08:25, 975 ნახვა

რეგიონი

კახეთის რეგიონში 3 000 ჰექტარ სასოფლო-სამეურნეო მიწის ფართობზე სადრენაჟე მომსახურება აღდგება.

სოფლის მეურნეობის სამინისტროს ინფორმაციით, გურჯაანის მუნიციპალიტეტში სოფლის მეურნეობის სამინისტროს შპს „საქართველოს მელიორაციამ“ ალაზნისპირა მიწების დამშრობი სისტემის რეაბილიტაციის II ეტაპი დაიწყო.

პროექტის ფარგლებში სისტემის 100 კილომეტრი სამელიორაციო არხი აღდგება.

პროექტის დასრულების შემდეგ, 2017 წლის დასაწყისისთვის, აღდგენილი სადრენაჟე მომსახურებით სარგებლობის შესაძლებლობა ექნება ქალაქ გურჯაანის და მუნიციპალიტეტის 5 სოფლის მოსახლეობას.

(NS)

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან