2016-09-09 14:54:58, 1814 ნახვა
ეკონომიკა
ქუთაისში კიდევ ერთი „მაკდონალდსი“ გაიხსნება
ქუთაისში დავით აღმაშენებლის მოედანზე „მაკდონალდსის“ კიდევ ერთი ახალი სწრაფი კვების რესტორანი აშენდება, რისთვისაც შპს „თ და კ რესტორნები“ 2 800 000 ლარის ინვესტიციას განახორციელებს.
ეკონომიკისა და მდგრადი განვითარების სამინისტროს ინფორმაციით, „მაკდონალდსის“ სწრაფი კვების რესტორანში სულ მცირე 40 ადამიანი დასაქმდება.
აღნიშნული პროექტის განსახორციელებლად საქართველოს ეკონომიკისა და მდგრადი განვითარების სამინისტროს სსიპ „სახელმწიფო ქონების ეროვნულმა სააგენტომ შპს „თ და კ რესტორნებს“ ქუთაისში, დავით აღმაშენებლის მოედანზე, N1, თბილისის ქუჩა N1-ში მდებარე 1416.00 კვ.მ. მიწის ნაკვეთი 885 000 ლარად საკუთრებაში გადასცა.
(NS)
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
