პრემიერ მინისტრმა ირაკლი ღარიბაშვილმა სხვადასხვა მუნიციპალიტეტის ხელმძღვანელებს მოუწოდა, რომ ადმინისტრაციული ხარჯები დაზოგონ.

თუმცა როგორც პრემიერმა აღნიშნა, ხარჯების შემცირება სოციალურ და ინფრასტრუქტურულ პროექტებს არ უნდა შეეხოს.

"მინდა გთხოვოთ,  გაითვალისწინოთ, რომ ჩვენი რეგიონების მოსახლეობის   თითოეული თეთრი არის მნიშვნელოვანი და ჩვენ ვალდებული ვართ მაქსიმალურად ვიზრუნოთ იმისთვის, რომ მათ ყოფას დღევანდელი პრობლემები არ დაეტყოს",-განაცხადა ირაკლი ღარიბაშვილმა. 

მისივე თქმით, რეგიონებში არა ერთი სოციალური პროექტი განხორციელდა, თუმცა ეს საკმარისი არ არის.

„ჩვენი მთავარი მიზანი არის ადამიანი. ჩვენ ვართ ადამიანებზე ორიენტირებული მთავრობა, ცენტრალურ და ადგილობრივ  დონეზე. მე მინდა რომ ეს იყოს მთავარი გზავნილი დღევანდელი შეხვედრის“,-განაცხადა ღარიბაშვილმა.

ცნობისთვის, პრემიერ–მინისტრი ირაკლი ღარიბაშვილი ამწუთებში სასტუმრო "ქორთიარდ მარიოტში" გუბერნატორებს, ქალაქების მერებსა და მუნიციპალიტეტების გამგებლებს ხვდება. შეხვედრაში ეკონომიკური გუნდის მინისტრები მონაწილეობენ.
ამასთან, შეხვედრას ესწრებიან განათლების, ჯანდაცვის, იუსტიციისა და სოფლის მეურნეობის მინისტრებიც. შეხვედრაზე, რომელიც დახურულ კარს მიღმა მიმდინარეობს, სხვადასხვა მუნიციპალიტეტებში პროექტებისა და პროგრამების მიმდინარეობასთან დაკავშრებულ საკითხებზე მიმდინარეობს საუბარი.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

15-16 მაისს მოსალოდნელია დროგამოშვებით ნალექი - სააგენტოს გაფრთხილება

ახალი ამბების სააგენტო „ექსპრესნიუსის“ დაფუძნებიდან 17 წელი გავიდა - გაეცანით ჩვენს ისტორიას

ევროპარლამენტში მუშაობა 1 წლით სამთავრობო „რუსთავი 2“-სა და PosTV-საც აეკრძალათ -კშიშტოფ ბრეიზა

შშმ არასრულწლოვან გერსა და ცოლზე ძალადობის, იძულების და მუქარისთვის 1 პირი დააკავეს