დემურ სტურუას ბიცოლა: დემურის დედას საქმის ერთ-ერთი მოწმე თავს დაესხა

2016-09-03 16:34:15, 1464 ნახვა

სამართალი

დემურ სტურუას ბიცოლამ დარიკო ჯაშმა „ექსპრესნიუსთან“ საუბრისას აცხადებს, რომ დემურის დედას საქმის ერთ-ერთი მოწმე მიუვარდა და ფიზიკური შეურაცხყოფა მიაყენა.

„ის ვინც დემურ სტურუას დედას ნონა ჯოჯუას თავს დაესხა პროკურატურაში ყავდათ დაბარებული და დემურის საქმეზე ერთ-ერთი მოწმე იყო. მან გვითხრა, რომ ჩემთან პოლიციელი სერგო მოვიდა და მითხრა, რომ იქნება ნონა როგორმე გააჩუმეთო. ამის თაობაზე ნონას მოუვარდა და სცემა, ხოლო ბავშვს ახრჩობდა. ეს პიროვნება ამწუთას პროკურატურაში გადაიყვანეს“, - განაცხადა დარიკო ჯაშმა.

ამ თემასთან დაკავშირებით „ექსპრესნიუსი“ შინაგან საქმეთა სამინისტროს დაუკავშირდა, სადაც განგვიცხადეს, რომ ფაქტთან დაკავშირებით გამოძიება 125-ე მუხლით მიმდინარეობს.

„გამოძიება 125-ე მუხლით მიმდინარეობს საგამოძიებო მოქმედებები. რაც შეეხება გავრცელებუბლ ინფორმაციას, რომ პოლიციელებმა ნონა ჯოჯუაზე თავდასხმელი დააშინეს, მსგავს ფაქტს არ ვადასტურებთ. პირად თემასთან დაკავშირებით მოუვიდათ კონფლიქტი“, - განაცხადეს შსს-ში.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან