სირიის ქალაქ დერაიადან მშვიდობიანი მოსახლეობისა და ოპოზიციის შეიარაღებული ფორმირებების ევაკუაცია დაიწყო, - ამის შესახებ სირიის სახელმწიფო სააგენტო SANA იუწყება.  

მედია საშუალებსი ინფორმაციით, ალყაში მოქცეული ქალაქიდან ხალხის ევაკუაციის შესახებ შეთანხმებას სირიის სამთავრობო ძალებმა და ამბოხბეულებმა 25 აგვისტოს მიაღწიეს.

ბლოკირებული დასახლებიდან ხალხი ავტობუსებით და სატვირთო მანქანებით, ორგანიზაცია "წითელი ნახევარმთვარის" სასწრაფო დახმარების მანქანების თანხლებით გაჰყვათ.

სხვადასხვა მონაცემებით, ქალაქში 4-დან 8 ათასამდე ადამიანი იმყოფება, მათ შორის ათასამდე შეიარაღებული ამბოხებული.

სირიის ხელისუფლების განცხადებით, 700 მებრძოლს იდლიბის პროვინციაში ოპოზიციის მიერ კონტროლირებად რაიონებში მას შემდეგ გადაიყვანენ, რაც ისინი მძიმე და საშუალო შეიარაღებას ჩააბარებენ. მშვიდობიან მოქალაქეებს კი დამასკოსა და მის შემოგარენში დევნილთა ბანაკებში განათავსებენ.

ცნობისთვის, ქალაქი დერაია სამთავრობო ძალების ალყაში 2012 წლიდან იმყოფება. ადგილობრივი მოსახლეობა საკვების, წყლისა და მედიკამენტების მწვავე დეფიციტს განიცდის. დასახლება სირიის პრეზიდენტ ბაშარ ასადის რეზიდენციიდან შვიდ კილომეტრში მდებარეობს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ტრამპმა პირობა დადო, რომ ჰორმუზის სრუტეს აშშ-ის ტერიტორიად გამოაცხადებდა

უკრაინამ „ფლამინგოს“ ტიპის რაკეტა დაარტყა სამარის კოსმოსურ ცენტრს, რომელიც რუსული Starlink-ის ეკვივალენტისთვის რაკეტებს აწარმოებს

სუს-მა დიდი ოდენობით თაღლითობისა და თაღლითობის მცდელობის ფაქტზე, საქართველოს ხუთი და თურქეთის რესპუბლიკის ერთი მოქალაქე დააკავა

სამართალდამცველებმა ჯგუფურად ჩადენილი ქურდობისა და ძარცვის ბრალდებით 5 არასრულწლოვანი დააკავეს