რუს სამხედროს, ვალერი პერმიაკოვს, რომელსაც სომხეთის ქალაქ გიუმრიში შვიდსულიანი ოჯახის მკვლელობა ედება ბრალად, სამუდამო პატიმრობა მიუსაჯეს, - ამის შესახებ რუსული მედია წერს.

მედიის ინფორმაციით, სასამართლო პროცესი, რომელიც 2015 წლის დეკემბერში დაიწყო, გიუმრიში დისლოცირებული რუსული ბაზის ტერიტორიაზე მიმდინარეობდა.

შეგახსენებთ, რომ გამოძიების განცხადებით, სომხეთში მდებარე რუსული სამხედრო ბაზის რიგითმა ჯარისკაცმა ვალერი პერმიაკოვმა 2015 წლის 12 იანვრის, გამთენიისას თვითნებურად დატოვა სამსახური, წავიდა ქალაქში, სადაც ერთ-ერთ სახლში ავეტისიანების ოჯახის 7 წევრი მოკლა. მსხვერპლთა შორის ორი მცირეწლოვანი ბავშვი იყო. წინასწარი გამოძიების მიმდინარეობისას პერმიაკოვმა დანაშაული აღიარა.

ცნობისთვის, 2015 წლის 2 აგვისტოს გიუმრიში ვალერი პერმიაკოვს დეზერტირობისთვის 10 წლით თავისუფლების აღკვეთა მიუსაჯეს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

შსს-მ ნარკოდანაშაულის ბრალდებით 119 პირი დააკავა, მათ შორის 49 ნარკორეალიზატორია

დაესწარი BOG-ის ვებინარს და გაიგე, როგორ შეგიძლია ისწავლო აშშ-ში სრული დაფინანსებით

სასახლის ღობის საქმე - დღეს პატიმრობიდან კიდევ 14 პირი გათავისუფლდება

„ცისფერი მთებივით“ ვეღარ გაურკვევიათ, აქ არიან, თუ იქ - პაპუაშვილი ენმ-ზე