თურქეთმა დიპლომატიური სკანდალის გამო ავსტრიიდან ელჩი გაიწვია, - ამის შესახებ თურქეთის საგარეო საქმეთა მინისტრმა მევლუთ ჩავუშოღლუმ განაცხადა.

მინისტრის განცხადებით, ელჩი ანკარაში კონსულტაციებისათვის და ვენასთან ურთიერთობების გადასახედად გაიწვიეს.

ამასთან, თურქეთის საგარეო საქმეთა სამინისტროში ავსტრიის ელჩი დაიბარეს ვენაში გამართული "ქურთისტანის მუშათა პარტიის" მხარდამჭერი მიტინგის გამო. აღნიშნულ ორგანიზაციას თურქეთი, აშშ და ევროკავშირი ტერორისტულად მიიჩნევენ. 

ავსტრიის დედაქალაქში გამართული მიტინგის შესახებ ინფორმაციას თურქული სახელმწიფო სააგენტო Anadolu ავრცელებს. მისი ცნობით, აქცია 20 აგვისტოს გაიმართა. მასში 500-მდე ადამიანი მონაწილეობდა, რომლებიც პრეზიდენტ რეჯეპ ტაიპ ერდოღანის წინააღმდეგ გამოდიოდნენ.

გამოცემა Wiener Zeitung-ის ცნობით, ქურთების მიტინგი ვენის ცენტრში გაიმართა. დემონსტრანტები თურქეთში ადამიანის უფლებების დარღვევასა და "ქურთისტანის მუშათა პარტიის" ლიდერის აბდულა ოჯალანის იზოლაციას აპროტესტებდნენ. გამოცემის ინფორმაციით, ერთი კვირის წინ გამართული ანალოგიური მიტინგი თურქებთან შეტაკებით დასრულდა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ტრამპმა პირობა დადო, რომ ჰორმუზის სრუტეს აშშ-ის ტერიტორიად გამოაცხადებდა

უკრაინამ „ფლამინგოს“ ტიპის რაკეტა დაარტყა სამარის კოსმოსურ ცენტრს, რომელიც რუსული Starlink-ის ეკვივალენტისთვის რაკეტებს აწარმოებს

სუს-მა დიდი ოდენობით თაღლითობისა და თაღლითობის მცდელობის ფაქტზე, საქართველოს ხუთი და თურქეთის რესპუბლიკის ერთი მოქალაქე დააკავა

სამართალდამცველებმა ჯგუფურად ჩადენილი ქურდობისა და ძარცვის ბრალდებით 5 არასრულწლოვანი დააკავეს