უკრაინის გენერალურმა პროკურატურამ რუსეთის თავდაცვის მინისტრის, სერგეი შოიგუსა და კიდევ 17 რუსი მაღალჩინოსნის წინააღმდეგ სისხლის სამართლის საქმე აღძრა, - ამის შესახებ ინფორმაციას BBC ავრცელებს. 

როგორც მედია საშუალება პროკურატურაზე დაყრდნობით წერს, ყველა მათგანი უკრაინის ეროვნული უსაფრთხოების წინააღმდეგ დანაშაულის ჩადენაშია ეჭვმიტანილი.

უკრაინის გენერალური პროკურორის, იური ლუცენკოს თქმით, „ყველა ეჭვმიტანილზე ძებნა გამოცხადდა“. მისივე განმარტებით, პროკურატურა ეჭვმიტანილებისთვის თავისუფლების აღკვეთის ღონიშძიების სახით წინასწარ პატიმრობას მოითხოვს. 

პროკურატურის ცნობით, სერგეი შოიგუს გარდა, სისხლის სამართლის საქმე მისი ორი მოადგილის, ასევე რუსეთის პრეზიდენტის მრჩევლის, სერგეი გლაზიევისა და რუსეთის შეიარაღებული ძალების 10 გენერლის წინააღმდეგაა აღძრული. 

ლუცენკოს ცნობით, ამჟამად უწყება შუამდგომლობას სასამართლოსთვის, აღნიშნული პირების დაკავების ორდერის მიღების მიზნით ამზადებს. 

ლუცენკოს თქმით, უკრაინის პროკურატურა ასევე, რუსეთის პრეზიდენტ ვლადიმერ პუტინის წინააღმდეგაც აპირებს საქმის აღძრას. 

აღსანიშნავია, რომ ეს არ არის პირველი საქმე, რომელიც პროკურატურამ სერგეი შოიგუს წინააღმდეგ აღძრა. 

ცნობისთვის, უკრაინის პროკურატურა 8 აგვისტოს გაკეთებულ განცხადებაში 18 მარალჩინოსანზე საუბრობდა, რომლებსაც უკრაინის უსაფრთხოების წინააღმდეგ განხორციელებულ სხვადასხვა ქმედებებში ედებოდათ ბრალი, თუმცა მაშინ, მაღალჩინოსნების ვინაობა არ სახელდებოდა. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ტრამპმა პირობა დადო, რომ ჰორმუზის სრუტეს აშშ-ის ტერიტორიად გამოაცხადებდა

უკრაინამ „ფლამინგოს“ ტიპის რაკეტა დაარტყა სამარის კოსმოსურ ცენტრს, რომელიც რუსული Starlink-ის ეკვივალენტისთვის რაკეტებს აწარმოებს

სუს-მა დიდი ოდენობით თაღლითობისა და თაღლითობის მცდელობის ფაქტზე, საქართველოს ხუთი და თურქეთის რესპუბლიკის ერთი მოქალაქე დააკავა

სამართალდამცველებმა ჯგუფურად ჩადენილი ქურდობისა და ძარცვის ბრალდებით 5 არასრულწლოვანი დააკავეს