გერმანიის შინაგან საქმეთა მინისტრის განცხადებით, გერმანია სავარაუდოდ აკრძალავს სახის დაფარვას ზოგიერთ გარემოებაში, მათ შორის: სკოლებში, საბავშვო ბაღებში, სამთავრობო ოფისებსა და დემონსტრაციებზე. ინფორმაციას ამის შესახებ CNN-ი ავრცელებს.

მინისტრის განცხადებით, გერმანიის შეთავაზებული ნაწილობრივი აკრძალვა უსაფრთხოებასა და ეროვნულ კავშირს შეუწყობს ხელს.

მისივე განმარტებით, ბურკა გერმანულ კულტურაში არ "ჯდება" და სწორედ ამიტომ, ითხოვენ სახის ჩვენებას. აღნიშნულ ინიციატივას მხარი ბერლინის შინაგან საქმეთა სამინისტრომაც დაუჭირა.

ამასთან, დღეს გერმანიის კანცლერმა ანგელა მერკელმა განაცხადა, რომ თუ გერმანიის შს სამინისტრო ფარანჯის ტარების აკრძალვაზე იმსჯელებს, კანცლერის სრული მხარდაჭერა ექნება.

ცნობისთვის, რამდენიმე დღის წინ, საზოგადოებრივი წესრიგის დაცვის მოტივით, საფრანგეთის ქალაქ კანის მერმა, დევიდ ლისნარდმა, პლაჟზე საცურაო კოსტიუმის, ბურკინის ტარება აკრძალა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ტრამპმა პირობა დადო, რომ ჰორმუზის სრუტეს აშშ-ის ტერიტორიად გამოაცხადებდა

უკრაინამ „ფლამინგოს“ ტიპის რაკეტა დაარტყა სამარის კოსმოსურ ცენტრს, რომელიც რუსული Starlink-ის ეკვივალენტისთვის რაკეტებს აწარმოებს

სუს-მა დიდი ოდენობით თაღლითობისა და თაღლითობის მცდელობის ფაქტზე, საქართველოს ხუთი და თურქეთის რესპუბლიკის ერთი მოქალაქე დააკავა

სამართალდამცველებმა ჯგუფურად ჩადენილი ქურდობისა და ძარცვის ბრალდებით 5 არასრულწლოვანი დააკავეს