თურქეთში, ბოლო 24 საათის განმავლოაბში სამი აფეთქება მოხდა. აფეთქებებს ჯამში 12-მდე ადამიანი ემსხვერპლა, 200-ზე მეტი კი დაშავდა.

პირველი აფეთქება ვანის პროვინციაში მოხდა მას სულ მცირე 3 ადამიანი ემსხვერპლა, 40 კი დაშავდა. ადგილობრივი მედიის ცნობით, ტერორისტებმა დანაღმული ავტომობილი პოლიციის შენობასთან ააფეთქეს.

მეორე აფეთქება თურქეთის ქალაქ ელაზიგში მოხდა. ტერორისტებმა დანაღმული ავტომობილი ამჯერადაც პოლიციის განყოფილებასთან ააფეთქეს. დაღუპულია სულ მცირე 3 ადამიანი, დაშავებულთა რაოდენობა კი 120-ზე მეტია.

მესამე აფეთქება კი, თურქეთის აღმოსავლეთ პროვინცია ბითლისში მოხდა.ადგილობრივი მედიის ცნობით, ბითლისშიც ავტომობილი აფეთქდა, რომელშიც სამხედროები იმყოფებოდნენ. 5 ჯარისკაცი დაიღუპა და 10-ზე მეტი კი დაშავდა.

თურქეთის სამთავრობო მედიასაშუალება Anadolu-ს ცნობით, ტერაქტების უკანქურთების სახალხო პარტია უნდა იდგეს. თუმცა, მომხდარზე პასუხისმგებლობა ამ დრომდე არცერთ დაჯგუფებას არ აუღია.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ტრამპმა პირობა დადო, რომ ჰორმუზის სრუტეს აშშ-ის ტერიტორიად გამოაცხადებდა

უკრაინამ „ფლამინგოს“ ტიპის რაკეტა დაარტყა სამარის კოსმოსურ ცენტრს, რომელიც რუსული Starlink-ის ეკვივალენტისთვის რაკეტებს აწარმოებს

სუს-მა დიდი ოდენობით თაღლითობისა და თაღლითობის მცდელობის ფაქტზე, საქართველოს ხუთი და თურქეთის რესპუბლიკის ერთი მოქალაქე დააკავა

სამართალდამცველებმა ჯგუფურად ჩადენილი ქურდობისა და ძარცვის ბრალდებით 5 არასრულწლოვანი დააკავეს