გაეროს გენერალურ მდივანს, ბან კი მუნს სურს გაეროს მეცხრე გენერალური მდივანი ქალი გახდეს. 

მისი განცხადებით, გაეროს არსებობის 71-წლიან ისტორიაში არასდროს ჰყოლია ქალი ლიდერი და ამიტომ სურს მისი შემცვლელი ქალი იყოს, თუმცა, მისივე განცხადებით, ეს მხოლოდ მისი სურვილია და გადაწყვეტილება ორგანიზაციის წევრმა ქვეყნებმა უნდა მიიღონ.

ცნობისთვის, გაერო-ს გენერალური მდივანი მსოფლიოს სხვადასხვა რეგიონიდან, როტაციის პრინციპით შეირჩევა. გაერო-ს გენერალური მდივნის პოსტი უკვე ეკავათ აზიის, აფრიკის, ლათინური ამერიკისა და დასავლეთ ევროპის ქვეყნების წარმომადგენლებს. ახლანდელი კანდიდატები ლათინური ამერიკიდან, დასავლეთ ევროპიდან, ავსტრალიიდან და ასევე აღმოსავლეთ ევროპიდან იქნებიან.

ბან კი მუნს გენერალური მდივნობის ვადა მიმდინარე წლის 31 დეკემბერს ეწურება. ახალი მდივნის ვინაობა კი ამ შემოდგომაზე გახდება ცნობილი.

შეგახსენებთ, გენერალური მდივნის პოსტზე სულ 11 კანდიდატია წარდგენილი, მათ შორის - 5 ქალი.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ტრამპმა პირობა დადო, რომ ჰორმუზის სრუტეს აშშ-ის ტერიტორიად გამოაცხადებდა

უკრაინამ „ფლამინგოს“ ტიპის რაკეტა დაარტყა სამარის კოსმოსურ ცენტრს, რომელიც რუსული Starlink-ის ეკვივალენტისთვის რაკეტებს აწარმოებს

სუს-მა დიდი ოდენობით თაღლითობისა და თაღლითობის მცდელობის ფაქტზე, საქართველოს ხუთი და თურქეთის რესპუბლიკის ერთი მოქალაქე დააკავა

სამართალდამცველებმა ჯგუფურად ჩადენილი ქურდობისა და ძარცვის ბრალდებით 5 არასრულწლოვანი დააკავეს