საქართველოს ეკონიმიკის მინისტრის დიმიტრი ქუმსიშვილის განცხადებით, ხორც-პროდუქტების ქარხანა „ვაკეს“ თბილისში 8 900 კვადრატული მეტრის ფართი გადაეცემა.

 შესაბამისი პროექტი სწორედ მთავრობის დღევანდელ სხდომაზე განიხილეს.

 „დღეს საქართველოს მთავრობის სხდომაზე რამდენიმე საწარმოსთან დაკავშირებით გავიტანეთ პროექტები. კერძოდ, ხორც-პროდუქტების ქარხანა „ვაკე“, რომელსაც გადაეცემა თბილისში 8 900 კვადრატული მეტრი კურსანტების ნომერ 7-ში. აღნიშნული ქონება შეფასებულია 625 000 ლარად და შესაბამისად საინვესტიციო ვალდებულება „აწარმოე საქართველოს“ ფარგელბში აღებული იქნება 3 755 000 ლარის ოდენობით. კომპანია იღებს ვალდებულებას, რომ ძეხვისა და ანალოგიური ხორც-პროდუქტების სულ მცირე 1 450 ტონის წარმოებას განახორციელებს. თავდაპირველად 170 ადამიანი დაიწყებს მუშაობას, ხოლო საბოლოოდ აღნიშნულ კომპანიაში 190 ადამიანი დასაქმდება. ამ კომპანიას ძალიან ბევრი იცნობს, როგორც „ვაკის“ სოსისების საწარმოდ. ის დაიტბორა 13 ივნისის წყალდიდობისას და შესაბამისად, სწორედ ახლა ხდება რელოკაცია და ახალი ქონების გადაცემა. პრაქტიკულად 0-დან ხდება აღნიშნული წარმოების აშენება“,- აღნიშნა დიმიტრი ქუმსიშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

კრიტიკის ცეცხლში მოყოლილი ისტორიაში ყველაზე ძვირადღირებული მსოფლიო ჩემპიონატი ფეხბურთში

აშშ-ის სასამართლომ ტრამპის 1.8 მილიარდი დოლარის ოდენობის კომპენსაციის ფონდი დაბლოკა

პაპუაშვილი - პარლამენტში პარტია „საქართველოსთვის“ სახელით მყოფი ხალხი უნდა მიხვდეს, რომ გაქცეული გახარია ამათ დასცინის

ბენზინის დეფიციტის გამო, რუსეთი თვითმფრინავებისთვის საწვავის პრობლემებია