ქართველი ბიზნესმენის მიერ შექმნილმა წვენმა „სავსე“ ბრიტანეთში დიდი მოწონება დაიმსახურა

2016-08-09 14:45:11, 1418 ნახვა

სხვადასხვა

28 წლის ქართველი ბიზნესმენის მიერ შექმნილმა ნატურალურმა წვენმა „სავსე“ ბრიტანეთში დიდი მოწონება დაიმსახურა, - ამის შესახებ ინფორმაციას BBC ავრცელებს.

როგორც გუკა თავბერიძემ, BBC-სთან საუბარში აღნიშნა, ნატურალური წვენს დედის რეცეპტით ამზადებს.

ახალგაზრდა ბიზნესმენი ლონდონში ცხოვრობს და მსოფლიოს გავნელიანი მედია საშუალებების ყურადღების ცენტრშია მოქცეული.

„30 წლის წინ, დედაჩემს, ორსულობის დროს რკინის ნაკლებობა აღმოაჩნდა. ამის გამო, ექიმმა ისპანახის და ვაშლის წვენის მიღება ურჩია. ისპანახის გემოს გაბათილებისთვის, დედამ სასმელში სხვადასხვა ხილის შერევა დაიწყო, რის შედეგად გემრიელი და ჯანმრთელობისათვის სასარგებლო სასმელი მიიღო, რომელიც მთელი ოჯახის საყვარელ სასმელად იქცა. ის, დღემდე ჩვენი ყოველდღიური რაციონის შემადგენელი ნაწილია“, - გუკა თავბერიძე.

მისივე თქმით, ბიზნესიდეა საზღვარგარეთ ჩასვლის შემდეგ გაუჩნდა და 2013 წელს გადაწყვიტა, ბრენდის შექმნა, რომელიც ღირსეულ კონკურენციას გაუწევდა ბაზარზე უკვე არსებულ მსგავს პროდუქციას.

თავბერიძეს თქმით, სახელზე ბევრი არ უფიქრია და ქართული სახელი - „სავსე“ შეურჩია, რადგან როგორც თავად ამბობს, ის სავსეა ვიტამინებითა და ბუნებრივი ინგრედიენტებით.

როგორც BBC იტყობინება, 1 წლის განმავლობაში "სავსეს" გაყიდვებმა 600%-ით მოიმატა.