2016-08-06 14:57:19, 1443 ნახვა
სამართალი
ბეშუმში დოღის დროს მომხდარ ინციდენტზე გამოძიება 124–ე მუხლით დაიწყო
ბეშუმში, შუამთობის დღესასწაულზე, დოღის დროს ორი მოზარდი დაშავდა.
როგორც „ექსპრესნიუსს“ შიანაგან საქმეთა სამინისტროში განუცხადეს, მომხდარზე გამოძიება დაწყებულია 124–ე მუხლით, რაც გულისხმობს ჯანმრთელობის ნაკლებად მძიმე ან მძიმე დაზიანებას გაუფრთხილებლობით. მათივე თქმით, დაშავებულთა მდგომარეობა თავიდანვე სტაბილური იყო.
ცნობისთვის, შუამთობაზე დოღის დროს დაშავებული ორი მოზარდი პრემიერ-მინისტრმა ვერტმფრენით ბათუმის საავადმყოფოში გადაიყვანა. ვერტმფრენში მყოფი ექიმის თქმით, ბავშვები კარგად არიან.
ინციდენტი დღეს შუამთობის დღესასწაულზე მოხდა. ერთ-ერთი მოზარდი ცხენიდან ჩამოვარდა, შემდეგ კი, ცხენი ახალგაზრდა გოგონას დაეჯახა.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
