2016-07-29 13:42:49, 1929 ნახვა
მსოფლიო
უკრაინაში სამხედრო-სამრეწველო სადგურზე აფეთქებას 3 ადამიანი ემსხვერპლა
უკრაინაში სამხედრო-სამრეწველო სადგურზე აფეთქებას 3 ადამიანი ემსხვერპლა, 2 კი მძიმედ დაშავდა, - ამის შესახებ რუსული მედია იუწყება.
მედია საშუალების ინფორმაციით, დაღუპულთა შორის ნატო-ს წარმომადგენელია. დაშავებულები ადგილობრივ საავადმყოფოში გადაიყვანეს.
აფეთქება უკრაინის სუმის ოლქში მდებარე ქიმიური პროდუქტების სამეცნიერო-კვლევითი ინსტიტუტის სადგურზე მოხდა, რომელიც უკრაინის თავდაცვის სამინისტროს დაქვემდებარებაშია.
როგორც მედია საშუალება წერს, აფეთქება უტილიზაციისთვის განკუთვნილი საბრძოლო აღჭურვილობის გადმოტვირთვის დროს მოხდა.
ცნობისთვის, ჩრდილოატლანტიკური ალიანსის წარმომადგენელი სადგურზე ნატო-უკრაინის ერთობლივი პროგრამის ფარგლებში იარაღის უტილიზაციის პროცესს ადევნებდა თვალს.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
