საქართველოს შეიარაღებული ძალების II ქვეითი ბრიგადის 23-ე ქვეით ბატალიონში აერომობილური სწავლება გაიმართა. კურსი ორიენტირებული იყო იმ უნარ-ჩვევების დახვეწაზე, რომელსაც საბრძოლო მოქმედებების დროს გადამწყვეტი როლი ენიჭება.

რვადღიანი სწავლების ფარგლებში პირადმა შემადგენლობამ ვერტმფრენის გამოძახება, რელიეფის გათვალისწინებით დასაფრენი ადგილის მონიშვნა, უსაფრთხოების ორგანიზება, ჩასხდომა-ჩამოქვეითება, ათეულის ზომის ქვედანაყოფის ერთი ადგილმდებარეობიდან მეორე ადგილმდებარეობაზე გადასროლა და დაჭრილთა საჰაერო ევაკუაცია შეისწავლა.

გეგმურ სწავლებაში ბატალიონის პირადი შემადგენლობა სრულად მონაწილეობდა, მოქმედებების შესრულების დროს მათ საჰაერო ძალების სარდლობის UH-1H ვერტმფრენები გამოიყენეს.

„სწავლება დაგეგმილი იყო ამოცანაზე ორიენტირებული აუცილებელი უნარ-ჩვევების დასახვეწად. ბატალიონის ახალწვეული სამხედრო მოსამსახურეები, რომლებიც მხოლოდ რამოდენიმე კვირას ითვლიან ჩვენს რიგებში, თვისობრივად ახალ საჭირო უნარ-ჩვევებს დაეუფლნენ. იმედი გვაქვს, რომ საჰაერო ძალების დახმარებით, მსგავს სწავლებებს პერიოდულად, გეგმის მიხედვით, ეფექტიანად ჩავატარებთ საბრძოლო მომზადების დონის ამაღლების მიზნით“, - განაცხადა 23-ე ქვეითი ბატალიონის შტაბის უფროსმა, მაიორმა დავით თევზაძემ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მოსკოვის სასამართლომ კენედების ოჯახის წევრს დაუსწრებლად პატიმრობა მიუსაჯა

კოლუმბიის პრეზიდენტი - მიწისძვრის შემდეგ 265 ადამიანი დაიღუპა და 3 494 დაშავდა, უგზო-უკვლოდ დაკარგულად ითვლება 496

ნარკოდანაშაულის ბრალდებით 135 პირი დააკავეს, მათ შორის ნარკორეალიზაციაში სხვადასხვა ფორმით ჩართული 55 პირია

ივანიშვილის წარმომადგენელი იონათამიშვილი აფხაზეთში ბენზინის მიწოდებაზე კითხვების გამო ოპოზიციის აკრძალვას ითხოვს