2016-07-12 10:53:14, 659 ნახვა
პოლიტიკა
ენმ-მ გლდანის მაჟორიტარი დეპუტატობის კანდიდატად სერგო რატიანი წარადგინა
„ერთიანი ნაციონალური მოძრაობის“ ლიდერმა დავით ბაქრაძემ და პარტიის საარჩევნო სიის ათეულის წევრებმა სერგი კაპანაძემ და რომან გოცირიძემ, გლდანის მაჟორიტარი დეპუტატობის კანდიდატად სერგო რატიანი წარადგინეს.
წარდგენაზე შეკრებილ მოსახლეობას პარტიის ეკონომიკური პროგრამის ძირითადი ასპექტები გააცნეს. სერგო რატიანმა კი ადგილზე არსებულ პრობლემებზე გაამახვილა ყურადღება.
"საქართველოში არსებობს ერთადერთი პოლიტიკური ძალა - „ნაციონალური მოძრაობა“, რომელსაც აქვს ქვეყნის კრიზისიდან გამოყვანის გამოცდილება“, - განაცხადა სერგო რატიანმა.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
