საქართველოს იუსტიციის სამინისტროს მმართველობის სფეროში მოქმედი სსიპ „დანაშაულის პრევენციის ცენტრის“ ბენეფიციარებისთვის ახალი პროექტი „ყოფილ პატიმართა ბიზნესინიციატივების  მხარდაჭერა“ დაიწყო. 

პროექტს საქველმოქმედო ჰუმანიტარული ცენტრი „აფხაზეთი“ საქართველოს იუსტიციის სამინისტროს საგრანტო პროგრამის ფარგლებში ახორციელებს.  კონკურში მონაწილეობის სურვილი 70-მდე ყოფილმა პატიმარმა გამოთქვა.

მათ პირველადი გასაუბრება  ბიზნეს იდეების შესახებ სპეციალურად შექმნილ საგრანტო კომიტეტთან გაიარეს, სადაც სსიპ დანაშაულის პრევენციის ცენტრის და საქველმოქმედო ჰუმანიტარული ცენტრი „აფხაზეთის“ წარმომადგენლები ერთიანდებიან.  ინდივიდუალური ბიზნესიდეის დაფინანსება შესაძლებელია 500-დან 6 000 ლარის ოდენობით. ჯგუფური განაცხადის შემთხვევაში კი დაფინანსება 12 000-დან 15 000 ლარამდეა შესაძლებელი.

ბენეფიციარების ბიზნესიდეები სამი მიმართულებით დაიყო: სოფლის მეურნეობა (მესაქონლეობა, მებოსტნეობა, მეთევზეობა, მეფუტკრეობა); წარმოება (თონე, ტანსაცმლის შეკერვა, სახაჭაპურე, მეტალო-პლასტმასის წარმოება, თექა) და მომსახურება (კაფე, ჭრა-კერვა, კომპიუტერების შეკეთება, ავტო-სკოლა, თეთრეულის სამრეცხაო). საგრანტო კომიტეტის გადაწყვეტილებით, კონკურსის მომდევნო ეტაპზე გადავიდა 40 აპლიკანტი. 

მათ ჩაუტარდებათ ორდღიანი ბიზნესტრენინგი, შეისწავლიან ბიზნესგეგმის დაწერის მეთოდს და მიიღებენ კონსულტაციას როგორც ბიზნესსაქმიანობის, ასევე სამართლებრივ საკითხებზე. ჯამში ყოფილ პატიმართა ბიზნესინიციატივების დასაფინანსებლად იუსტიციის სამინისტროს მიერ საგრანტო პროექტში გამოყოფილია ფონდი 56 000 ლარის ოდენობით. პროექტის ადმინისტრირებას სსიპ „დანაშაულის პრევენციის ცენტრი“ ახორციელებს.
 როგორც დანაშაულის პრევენციის ცენტრის დირექტორის მოადგილემ გიორგი პაპავამ განაცხადა,  ყოფილი პატიმრებისთვის განსაკუთრებით მნიშვნელოვანია ბიზნესგრანტების პროგრამა, რომელსაც  საქართველოს იუსტიციის სამინისტრო აფინანსებს. „მიმდინარე წელს, გაცილებით უფრო მეტი აპლიკანტი მონაწილეობდა კონკურსში, სადაც გასაუბრებისა და ბიზნეს გეგმების შედგენის ტრენინგების წარმატებით გავლის შემდგომ, გაიცემა დაფინანსება 500-დან 6000-ლარამდე ოდენობით. ძირითადად წარმოდგენილია ვაჭრობისა და სოფლის მეურნეობის სფეროები, მეცხოველეობა, მეფრინველეობა, მიწის დამუშვება და ა.შ.   
პრიორიტეტი ენიჭება შეჭირვებულობის ხარისხსა და ბიზნესის რეალურ მდგრადობას, სადაც თავად ყოფილი პატიმარი არის ძირითადი მოქმედი სუბიექტი ბიზნესის საკუთარი ძალებით წარმართვისას“, განაცხადა დანაშაულის პრევენციის ცენტრის დირექტორის მოადგილემ. იუსტიციის სამინისტროს დანაშაულის პრევენციის ცენტრი ორი წელია ყოფილ პატიმართა რეაბილიტაციისა და რესოციალიზაციის პროგრამას ახორციელებს. მისი მიზანია სასჯელაღსრულების დაწესებულებებიდან გათავისუფლებული პირების რეაბილიტაციის ხელშეწყობა, მათი დაბრუნება საზოგადოების სრულუფლებიან წევრებად.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ივანიშვილის წარმომადგენელი მახაშვილი საფრანგეთში მიღებულ რეზოლუციაზე - უამრავი ტყუილი, ბრალდებაა და ამ აბსურდის საფუძველზე არის მოწოდებები

ნიკა გვარამია: არაფერი საწინააღმდეგო რევოლუციის არ მაქვს, უბრალოდ ვნახე, ამის რესურსები გვაქვს თუ არა

ჟორჟოლიანი - გამოიკვეთა 15 პირველადი მოხმარების პროდუქტი, რომელიც ქსელურ მარკეტებში ფასდაკლებით იქნება ხელმისაწვდომი

თბილისში ქუჩაში არჩევდნენ მოქალაქეებს და ინტერნეტბანკინგიდან ფულს ირიცხავდნენ ე.წ ქურდულ სამყაროსთან კავშირში მყოფი 44 პირი დააკავეს - ვიდეო