საქართველოს პირველი ვიცე-პრემიერი, ეკონომიკისა და მდგრადი განვითარების მინისტრი დიმიტრი ქუმსიშვილი საქართველოს ოლიმპიელ მათემატიკოსთა კავშირის მიერ ორგანიზებული მათემატიკოსთა ოლიმპიადის გამარჯვებულთა დაჯილდოებას დაესწრო. 

ოლიმპიადა ჩატარდა თბილისის მასშტაბით და მასში მონაწილეობა მიიღო დედაქალაქის სკოლების მე-6-ე კლასის 800-ე მეტმა მოსწავლემ. ოლიმპიადის დასკვნით ტურში გადავიდა 60 მონაწილე. მათგან 4-ს გადაეცემა პრიზები პირველი, მეორე, მესამე და მეოთხე ადგილისათვის. ოლიმპიადის მეორე ტურის დანარჩენ მონაწილეებს კი გადაეცემათ საპატიო სიგელები (24 მონაწილე) და მონაწილეობის სერტიფიკატები (60 მონაწილე). 

პირველმა ვიცე-პრემიერმა დიმიტრი ქუმსიშვილმა ოლიმპიადის გამარჯვებულს, 186-ე საჯარო სკოლის მოსწავლეს, ნინო მანაგაძეს ჯილდო და გამარჯვებულის სერტიფიკატი პირადად გადასცა. 
პირველმა ვიცე-პრემიერმა დიმიტრი ქუმსიშვილმა დადებითად შეაფასა ის ფაქტი, რომ მათემატიკური ოლიმპიადა კერძო სექტორის ინიციატივით და დაფინანსებით ჩატარდა. ამასთან, მისი განცხადებით, მნიშვნელოვანია, რომ მოსწავლეები ადრეული ასაკიდან ეჩვევიან გამარჯვებას, რომ მათ შეუძლიათ ურთულესი ამოცანების ამოხსნა და რომ მომავალში გაიზრდებიან ისეთ ლიდერებად, რომლებიც შეძლებენ სახელმწიფოს მართვას, ბიზნესის კეთებას, რაც ჩვენს ქვეყანას წარმატებას მოუტანს. 
აღნიშნული ოლიმპიადა მისი მონაწილეებისთვის იყო უფასო. ყველა ხარჯი დაფინანსდა სპონსორების “ვითი ჯგუფის”, “ჯისიჯის”, ქართულ ამერიკული სკოლის, ქართულ ამერიკული უმაღლესი სკოლის მხარდაჭერით. 
მოსწავლეთა ოლიმპიადის ორგანიზატორი საქართველოს ოლიმპიელ მათემატიკოსთა კავშირი 2016 წლის 11 აპრილს დაარსდა. ორგანიზაცია დააფუძნეს მათემატიკის საერთაშორისო ოლიმპიადაში მონაწილე საქართველოს ნაკრების ყოფილმა წევრებმა. საქართველო 1992 წლიდან მონაწილეობს მათემატიკის მსოფლიო ოლიმპიადებში. დღემდე მოპოვებულია ორი ოქროს მედალი. აქედან ერთი ოქროს მედალი მოიპოვა ყოფილ ოლიმპიელების მოსწავლემ, რომლებიც დღეს ასევე წარმოადგენენ საქართველოს ოლიმპიელ მათემატიკოსთა კავშირს.

კავშირის მიზანია აღმოაჩინოს და რესურსი ჩადოს მათემატიკური ნიჭით დაჯილდოებული ბავშვების განვითარებაში, რადგან სჯერა, რომ განათლებაში დახარჯული რესურსი ყველაზე ღირებულია ქვეყნის განვითარებისთვის და მისი მომავლისთვის.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ComCom-მა TV პირველი მიუკერძოებლობის პრინციპების დარღვევისთვის 5 000 ლარით დააჯარიმა

შსს: სასიგნალო შეტყობინების შემოსვლის გამო, გამშვებ პუნქტ დარიალიდან ევაკუაცია მოხდა

საქართველოში გერმანიის ახალ ელჩად ბარაბარა ფოსი დაინიშნა

პარტია ლელო : კობახიძის სიტყვები აფხაზეთში საწვავის მიწოდებასთან დაკავშირებით საკმარისი არ არის