მერკელი: მოხარული ვართ, რომ საქართველო რუსეთთან მიმართებაში პრაგმატულ ნაბიჯებს დგამს

2016-06-15 16:59:08, 678 ნახვა

პოლიტიკა

გერმანია მხარს უჭერს საქართველოს ტერიტორიულ მთლიანობას, - ამის შესახებ გერმანიის კანცლერმა ანგელა მერკელმა განაცხადა.

კანცლერის თქმით, მისასლმებელია, რომ აფხაზეთისა და სამხრეთ ოსეთის საკითხზე საქართველო ჟენევის ფორმატში მონაწილეობს.

“მოხარული ვართ, რომ საქართველო პრაგმატულ ნაბიჯებს დგამს რუსეთის მიმართებით. თუმცა, ეს საკითხი კვლავ მწვავე საკითხად რჩება. გერმანია მხარს უჭერს საქართველოს ტერიტორიულ მთლიანობას. რაც შეეხება აფხაზეთისა და სამხრეთ ოსეთის საკითხს, მივესლამებით, რომ საქართველო ჟენევის ფორმატში მონაწილეობს და ამ მხრივ გარკვეულ პროგრესს აღწევს”, - განაცხადა ანგელა მერკელმა.

ცნობისთვის, აღნიშნული განცხადება გერმანიის კანცლერმა ბერლინში საქართველოს პრემიერ-მინისტრთან ერთად გამართულ პრესკონფერენციაზე გააკეთა.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან