2016-06-06 20:29:45, 716 ნახვა
საზოგადოება
ისანში მეუღლის მიერ დაჭრილი ახალგაზრდა ქალი გარდაიცვალა
თბილისში, ისნის გარე კახეთის ქუჩაზე მეუღლის მიერ დაჭრილი ახალგაზრდა ქალი გარდაიცვალა.
რამდენიმესაათიანი მცდელობის მიუხედავად ექიმებმა ახალგაზრდა ქალის გადარჩენა ვერ შეძლეს. სასიკვდილო ჭრილობები მას ქმარმა მიაყენა.
ცნობისთვის, შემთხვევა რამდენიმე საათის წინ, ისანში, გარე კახეთის ქუჩაზე მოხდა. როგორც თვითმხილველები ყვებიან, მამაკაცი სასტუმროში მივიდა, ქალბატონი შენობის გარეთ გაიყვანა და რამდენჯერმე ესროლა, მოგვიანებით, დაჭრილი ქალბატონი სასწრაფო სამედიცინო დახმარების ბრიგადით საავადმყოფოში გადაიყვანეს.
როგორც „ექსპრესნიუსს“ შინაგან საქმეთა სამინისტროს საზოგადოებასთან ურთიერთობის სამსახურში განუცხადეს, მომხდარზე გამოძიება სისხლის სამართლის კოდექსის 19-108-ე მუხლით მიმდინარეობს, რაც განზრახ მკვლელობის მცდელობას გულისხმობს.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
