ევროპულ და ევროატლანტიკურ სტრუქტურებში ინტეგრაციის საკითხებში სახელმწიფო მინისტრის პირველი მოადგილე არჩილ ყარაულაშვილი, საქართველოში ვიზიტით მყოფ ევროკავშირის საგარეო ქმედებათა სამსახურის (EEAS) დელეგაციას შეხვდა.

სახელმწიფო მინისტრის აპარატის ინფორმაციით,  დელეგაციას კრიზისების მართვისა და დაგეგმარების დირექტორატის (CMPD) დირექტორი გაბორ იკლოდი ხელმძღვანელობდა.

შეხვედარზე მხარეებმა განიხილეს საქართველოს ევროინტეგრაციის პროცესი, საქართველო ევროკავშირს შორის ასოცირების შეთანხმების ფარგლებში განხორციელებული და მიმდინარე რეფორმები, ასევე, საქართველოს მიერ წარმატებით შესრულებული ვიზა ლიბერალიზაციის სამოქმედო გეგმა. ევროკავშირის დელეგაციამ დადებითად შეაფასა ის პროგრესი, რომელსაც საქართველო განუხრელად აჩვენებს.

ყურადღება გამახვილდა რეგიონში არსებული უსაფრთხოების გამოწვევებზე და შესაბამისად საერთასორისო თანამშრომლობისა და პარტნიორობის მნიშვნელობაზე.  ევროკავშირის დელეგაციამ მადლობა გადაუხადა საქართველოს უსაფრთხოების უზრუნველყოფაში შეტანილი წვლილისთვის და ერთმნიშვნელოვნად აღინიშნა საქართველოს გადამწყვეტი როლი რეგიონში სტაბილურობის უზრუნველყოფის საქმეში.

მხარეებმა, ასევე, განიხილეს ოკუპირებულ რეგიონებში არსებული ვითარება და ამ მხრივ სახელმწიფო მინისტრის პირველმა მოადგილემ ხაზგასმით აღნიშნა ევროკავშირის სადამკვირვებლო მისიის მნიშვნელობა.

შეხვედრაზე მნიშვნელოვანი ყურადღება დაეთმო რეგიონში მიმდინარე მოვლენების ფონზე მზარდი რუსული პროპაგანდის კონტექსტში სტრატეგიული კომუნიკაციის საკითხებზე თანამშრომლობის მნიშვნელობას.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მაკრონმა სტარმერს მადლობა გადაუხადა და საფრანგეთსა და ბრიტანეთს შორის თანამშრომლობის გაგრძელება გამოაცხადა

ბრიტანეთის პრემიერ-მინისტრი თანამდებობიდან გადადგა

პოლონეთმა ზელენსკის მიერ დაბრუნებული „თეთრი არწივის ორდენის“ მიღება დაადასტურა

გვარამია ენმ-ზე - ხალხი ერთ პარტიაშია და ბრიფინგებით, სატელევიზიო ეთერებით და სტატუსებით ელაპარაკება ერთმანეთს და წყევლის და აგინებს