თუ საარჩევნო სისტემის ე.წ. გერმანული მოდელი პარლამენტის პლენარულ სხდომაზე, კენჭისყრაზე გავა „ნაციონალური მოძრაობა“ ბოიკოტს შეწყვეტს და კანონპროექტს მხარს დაუჭერს.

ამის შესახებ „ექსპრესნიუსს“ პარტიის ერთ-ერთმა ლიდერმა მიხეილ მაჭავარიანმა განუცხადა.

მისივე შეფასებით, სჯობდა ახლანდელ ხელისუფლებასაც, მაშინდელ უმრავლესობაში მყოფ ფრაქციებსაც ამაზე მაშინ ეფიქრათ, როდესაც მხარი ამ მოდელის მიღებას დაუჭირეს.

საპარლამენტო უმცირესობა აგრძელებს ბოიკოტს, მიზეზი კორცხელის ინციდენტი მსგავსი შემთხვევების შემცირებაა.

„სჯობდა ე.წ. გერმანულ მოდელზე პატივცემულ ჩემს მეგობრებს მაშინ ეფიქრათ, როდესაც ფორსირებულად იღებდნენ იმ მახინჯ მოდელს, რომელიც მიიღეს. მათ შორის მათაც ვგულისხმობ, ვინც ახლა ხელისუფლებაშია. ჩვენ არ ვგავართ დღევანდელ ოპოზიციას, ჩვენ ხომ ისტერიულად არ ვყვირით რაღაცეებზე.

თუ ე.წ. გერმანულ მოდელს გასვლის შანსი ექნება, ჩვენ მას მხარს დავუჭერთ. ეს კანონპროექტი იდეალური ნამდვილად არ არის, მაგრამ ბევრად სჯობს იმ სიმახინჯეს, რომელიც „ქართულმა ოცნებამ“ მიიღო. მათ შორის ერთ-ერთი მომხსენებელი ვახტანგ ხმალაძე იყო, რომელიც ახლა აკრიტიკებს ამ მოდელს. მაგრამ დამეთანხმეთ, რომ მანამ სანამ ძალადობის საფრთხეა, სანამ თქვენ, მე და საქართველოს მოქალაქეებს 2016 წლის 8 ოქტომბრის არჩევნებზე გვემუქრება ძალადობის საფრთხე, ისეთი როგორიც მოხდა კორცხელში მე მგონი ამაზე ყურადღების გამახვილება ღირს“, - განაცხადა მიხეილ მაჭავარიანმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მაკრონმა სტარმერს მადლობა გადაუხადა და საფრანგეთსა და ბრიტანეთს შორის თანამშრომლობის გაგრძელება გამოაცხადა

ბრიტანეთის პრემიერ-მინისტრი თანამდებობიდან გადადგა

პოლონეთმა ზელენსკის მიერ დაბრუნებული „თეთრი არწივის ორდენის“ მიღება დაადასტურა

გვარამია ენმ-ზე - ხალხი ერთ პარტიაშია და ბრიფინგებით, სატელევიზიო ეთერებით და სტატუსებით ელაპარაკება ერთმანეთს და წყევლის და აგინებს