საქართველოს თავდაცვის მინისტრის მოადგილე ანა დოლიძე პროფესიული განვითარების პროგრამებში კანდიდატთა სამოქალაქო პერსონალის შერჩევის საბჭოს სხდომას დაესწრო.

თავდაცვის სამინისტროს ინფორმაციით, საბჭო, რომლის თავმჯდომარეც, სწორედ, ანა დოლიძეა პირველად შეიკრიბა და პროფესიულ განვითარების პროგრამებში მონაწილეობისთვის კანდიდატთა შერჩევის საკითხზე იმსჯელა.

საქართველოს თავდაცვის სამინისტროში პროფესიული განვითარების პროგრამების დაგეგმვისა და მონაწილეთა შერჩევის ახალი წესი №242 ბრძანებით დამტკიცდა. რეგულაცია მიზნად ისახავს პროფესიული განვითარების პროგრამებში მონაწილეთა შერჩევის პროცესის სამართლიანობის, ობიექტურობის, მიუკერძოებლობისა და გამჭვირვალობის ხარისხის გაზრდას.

ახალი სისტემის ერთ-ერთი მნიშვნელოვანი უპირატესობა ის არის, რომ სამინისტროს სისტემის ყველა მოსამსახურე უფლებამოსილია, ხელმძღვანელთან შეთანხმების გარეშე, მონაწილეობა მიიღოს საგანმანათლებლო პროგრამაში მონაწილე პირის შერჩევის მიზნით გამართულ კონკურსში. ხელმძღვანელს პირებსაც ექნებათ უფლება წარადგინონ კანდიდატები. ახალი სისტემის მიხედვით შეიქმნა თავდაცვის სამინისტროს პროფესიული განვითარების პორტალი, რომელზეც იტვირთება პროფესიული განვითარების ყველა პროგრამა. თავდაცვის სისტემის თითოეულ თანამშრომელს წვდომა აქვს აღნიშნულ პორტალზე და შეუძლია, ინტერესისა და რელევანტობის მიხედვით, პორტალიდან გააკეთოს განაცხადი ნებისმიერ კურსზე.

ახალი წესის მიხედვით, შეიქმნა პროფესიული განვითარების პროგრამების მართვის კომისია, რომლის ფუნქცია თავდაცვის სისტემის სტრუქტურულ ერთეულებს შორის პროფესიული განვითარების პროგრამების გადანაწილება და კანდიდატების მიერ პრეტენზიების განხილვაა.

პროფესიული განვითარების პროგრამაში მონაწილე პირი, გასაუბრების ფორმით, დადგენილი კრიტერიუმების გათვალისწინებით, კანდიდატის მიერ მიღებული ქულების დაჯამებით შეირჩევა.

სამინისტროს სისტემაში მოსამსახურეთა პროგრამების მართვისა და პროგრამებში მონაწილეთა შერჩევის წესის მიხედვით, სამინისტროს სისტემაში პროფესიული განვითარების პროგრამის მართვას პროფესიული განვითარების პროგრამების მართვის კომისია ახორციელებს.

ზემოაღნიშნული უზრუნველყოფს შერჩევის პროცესის კონკურენტულ გარემოს ფორმირებას, სადაც თითოეულ აპლიკანტს მიეცემა თანაბარი შესაძლებლობა, დაასაბუთოს მისი პროფესიული განვითარების პროგრამაში მონაწილეობის მიზანშეწონილობა სამსახურებრივი ფუნქცია-მოვალეობებისა და პროფესიული განვითარების გათვალისწინებით.

ასევე ამოქმედდა გასაჩივრების მექანიზმი - შერჩევის პროცესში მონაწილე პირი უფლებამოსილია პროფესიული განვითარების პროგრამის მართვის კომისიას წარუდგინოს პრეტენზია შერჩევის პროცესში მიღებულ გადაწყვეტილებასთან დაკავშირებით.

პროფესიული განვითარების ახალი სისტემის მნიშვნელოვანი უპირატესობებია: თანამშრომლებში პროგრამების შესახებ ინფორმირებულობის და გამჭვირვალობის გაზრდა, ეფექტიანი დაგეგმვა, შერჩევის უკეთესი მექანიზმები, კრიტერიუმების დახვეწა და გასაჩივრების მექანიზმების დანერგვა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ყირიმში, ნავთობბაზისა და ბორნის დაბომბვის შემდეგ, მათ შეწყვიტეს საწვავის გაყიდვა და დახურეს ქერჩის გადასასვლელი

აფხაზეთის საოკუპაციო რეჟიმი - თბილისიდან მშვიდობა მხოლოდ ძალის გამოუყენებლობის შესახებ შეთანხმებაა

ალბანეთში ათიათასობით ადამიანმა კუშნერ-ივანკა ტრამპთან დაკავშირებული კურორტის წინააღმდეგ საპროტესტო აქცია გამართა

მოვითხოვთ, 4 ოქტომბრის საქმის საფუძვლიან და ობიექტურ გადახედვას - მეცნიერებათა აკადემია