საქართველოს ოკუპირებული ტერიტორიებიდან იძულებით გადაადგილებულ პირთა, განსახლებისა და ლტოლვილთა მინისტრმა სოზარ სუბარმა 1921 წლის თებერვალში კოჯრის მახლობლად გმირულად დაღუპული იუნკერების მემორიალი გვირგვინით შეამკო და მათ ხსოვნას პატივიმიაგო.

ამის შესახებ „ექსპრესნიუსს“ საქართველოს ოკუპირებული ტერიტორიებიდან იძულებით გადაადგილებულ პირთა, განსახლებისა და ლტოლვილთა სამინისტროდან აცნობეს.

„საქართველოს მთელი ისტორია არის დამოუკიდებლობისათვის, თავისუფლებისათვის ბრძოლის  და თავისუფლებისათვის ბრძოლას შეწირული გმირების ისტორია. 23 თებერვალი, 25 თებერვალი სწორედ ასეთი დღეებია, რომ არ ყოფილიყვნენ კოჯორელი ბიჭები, რომლებმაც თავი დადეს ქვეყნისათვის დღეს თავისუფლება არ გვექნებოდა. სწორედ ასეთი თავდადებით მოვიპოვეთ თავისუფლება და დღესაც ამის უამრავი მაგალითი გვაქვს.   ამის მაგალითი იყვნენ ის ბიჭები, რომლებიც სოხუმიდან გადმოვასვენეთ და ამის მაგალითია ის ბრძოლა, რომელიც დღესაც გრძელდება.  80-იან წლებში, როცა აკრძალული იყო ხსენებაც კი, 23 თებერვალს მე და ჩემი მეგობრები მოვდიოდით ამ ადგილას და კოჯრის ციხესთან, სადაც მთავარი ბრძოლები გაიმართა საქართველოს დამოუკიდებლობისთვის. ეს იყო ჩვენი რწმენა, რომ აუცილებლად დადგებოდა დღე, როდესაც საქართველო იქნებოდა დამოუკიდებელი“, - განაცხადა სოზარ სუბარმა.

ცნობისთვის, 1921 წლის 17-25 თებერვალს იალღუჯასთან, კოჯორთან და ტაბახმელასთან საქართველოს თავისუფლებისთვის ბრძოლაში რამდენიმე ასეული იუნკერი დაიღუპა. 94 წლის წინ ამ დღეს რუსეთის არმიამ თბილისი დაიკავა და საქართველოს დემოკრატიული რესპუბლიკის ოკუპაცია მოახდინა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ივანიშვილის წარმომადგენელი მახაშვილი საფრანგეთში მიღებულ რეზოლუციაზე - უამრავი ტყუილი, ბრალდებაა და ამ აბსურდის საფუძველზე არის მოწოდებები

ნიკა გვარამია: არაფერი საწინააღმდეგო რევოლუციის არ მაქვს, უბრალოდ ვნახე, ამის რესურსები გვაქვს თუ არა

ჟორჟოლიანი - გამოიკვეთა 15 პირველადი მოხმარების პროდუქტი, რომელიც ქსელურ მარკეტებში ფასდაკლებით იქნება ხელმისაწვდომი

თბილისში ქუჩაში არჩევდნენ მოქალაქეებს და ინტერნეტბანკინგიდან ფულს ირიცხავდნენ ე.წ ქურდულ სამყაროსთან კავშირში მყოფი 44 პირი დააკავეს - ვიდეო