„საფრანგეთში მნიშვნელოვანია, რომ რელიგიურ თემებზე სატირული ჟურნალი გამოვიდეს. ეს მათთვის ღირებულია“, – ამის შესახებ საფრანგეთში საქართველოს სრულუფლებიანმა ელჩმა ეკატერინე სირაძე–დელონემ „კურიერთან“ საუბარში განაცხადა.
მისივე შეფასებით, საფრანგეთი სეკულარული ქვეყანაა და იქ ყველა იმ აზრზეა, რომ ისეთი ტიპის ჟურნალების გამოცემა უნდა გაგრძელდეს, სადაც რელიგია სატირის საგანი იქნება.
„საფრანგეთისთვის, ისევე როგორც ყველა დემოკრატიული ქვეყნისთვის, სიტყვის თავისუფლება დემოკრატიის  ერთ–ერთი ძირითადი საყრდენია. მათთვის ძალიან მნიშვნელოვანია ის, რომ  რელიგია გახდეს სატირის ერთ–ერთი საგანი,  ეს  მათთვის ძალიან მნიშვნელოვანი ღირებულებაა. საფრანგეთი  სეკულარული ქვეყანაა და  დემოკრატიის ამ ერთ–ერთ მნიშვნელოვან ღირებულებას იცავს.  შესაბამისად, დღეს ძალიან ბევრმა ჟურნალმა მიაგო პატივი დაღუპულ მხატვრებს და მათაც გამოაქვეყნეს  სატირული ნახატები მათ ჟურნალებში.  შესაძლებელია ასეთი აზრი გაჟღერდა, მაგრამ  მე არ მომისმენია, რომ  ეთქვათ –  ეს არ უნდა გაეკეთებინათ.  პირიქით,  ყველა  იმ აზრზეა, რომ სწორედაც უნდა გაგრძელდეს ასეთი ტიპის ჟურნალების გამოცემა და სწორედაც რელიგია შესაძლოა  სატირის საგანი იყოს“,  – აღნიშნა ეკატერინე სირაძემ.

შეგახსენებთ, პარიზში ჟურნალ „Charlie Hebdo“-ს რედაქციაზე თავდასხმას 12 ადამიანის სიცოცხლე ემსხვერპლა, ხოლო 10 დაშავებულია. ადგილობრივი პოლიციის ინფორმაციით, 4 მათგანის მდგომარეობა კრიტიკულია. არსებული ინფორმაციით, რედაქციას თავს ორი ნიღბიანი ადამიანი ავტომატებით  დაესხა და იქ მომუშავე პერსონალს ცეცხლი გაუხსნა. ცნობილია, რომ  ჟურნალ „Charlie Hebdo“-მ ინციდენტამდე ერთი საათით ადრე  ტვიტერის ოფიციალურ გვერდზე  "ისლამური სახელმწიფოს" ლიდერის აბუ ბაკრ ალ-ბაღდადის კარიკატურა გამოაქვეყნა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

გომის მთაზე მიკროავტობუსის ხრამში გადავარდნის შედეგად ბელარუსიის ოთხი მოქალაქე ადგილზე დაიღუპა, 20 ადამიანი მათ შორის ორი ბავშვი დაშავდა

გომის მთაზე მიკროავტობუსი გადავარდა - არსებული ცნობებით, არიან დაღუპულები

ნიკა გვარამია: ივანიშვილის რეჟიმმა აღიარა რუსული სამხედრო მანქანისადმი პირდაპირი დახმარება

საქართველოს ოპოზიცია იმ კომპანიის დასახელებას ითხოვს, რომელმაც აფხაზეთს საწვავი მიაწოდა