„თავისუფალი დემოკრატების“ აქციას, რომელიც შაბათს საქართველოს მთავარ პროკურატურასთან გაიმართება, შესაძლოა „ნაციონალური მოძრაობაც“ შეუერთდეს.

როგორც პარტიის ერთ-ერთი ლიდერმა სერგო რატიანმა „ექსპრესნიუსს“ განუცხადა, „ნაცმოძრაობა“ აქციისადმი სოლიდარულია, თუმცა გამოიხატება თუ არა ეს სოლიდარობა აქციაზე მისვლით, ამას რატიანი არ აკონკრეტებს. ამბობს, რომ ეს შაბათს გახდება ცნობილი.

დეპუტატის შეფასებით, ე.წ. კაბელების საქმე პოლიტიკურად მოტივირებულია და მიმართულია ირაკლი ალასანიას წინააღმდეგ.

„ეს საქმე თავიდანვე დაიწყო, როგორც პოლიტიკურად მოტივირებული. გაგახსენებთ ერთ გარემოებას, მაშინ გამოვიდა ბიძინა ივანიშვილი და გააკეთა განცხადებები, საიდანაც გამოჩნდა რომ არაოფიციალურ პირს ჰქონდა საიდუმლო ინფორმაციასთან წვდომა. ერთმნიშვნელოვნად ეს ოპერაცია წარმოებულია ირაკლი ალასანიას წინააღმდეგ.

სამი წლის განმავლობაში „ერთიან ნაციონალურ მოძრაობაზე“ ხორციელდებოდა პოლიტიკური დევნა. ამჯერად პოლიტიკური ნიშნით დევნა გამოყენებულია სხვა ოპოზიციურ პარტიაზე, კონკრეტულად კი ირაკლი ალასანიას მიმართ. ის ადამიანები, რომლებიც დაკავებულები არიან ისინი რეალურად უდანაშაულოები არიან. „ნაციონალური მოძრაობის“ ამოცანაა, რომ პოლიტპატიმრები გამოიყვანოს ციხიდან, მათ შორის „კაბელების საქმეზე“ დაკავებული პირები. ასევე მნიშვნელოვანია, ყველამ იცოდეს, რომ საქართველოს პოლიტპატიმრები ჰყავს“, - აცხადებს სერგო რატიანი.

პარლამენტარის აქვე დასძენს, რომ დაკავებულ პირებსა და „თავისუფალ დემოკრატებს“ „ნაცმოძრაობა“ სოლიდარობას უცხადებს. თუმცა რა ფორმის იქნება სოლიდარობა, ამას რატიანი არ აკონკრეტებს.

„ჩვენ „თავისუფალი დემოკრატების“ მიერ შაბათს დაგეგმილ აქციას სოლიდარობას ვუცხდებთ. სოლიდარობის გამოხატვის როგორი სახე გვექნება, ამას ნახავს საზოგადოება. ამჯერად ფორმას ვერ დაგიკონკრეტებთ. თუმცა ცალსახად სოლიდარულები ვართ მათ მიმართ. შევუერთდებით თუ არა აქციას ეს შაბათს გაირკვევა“, - განუცხადა სერგო რატიანმა „ექსპრესნიუსს“.

შეგახსენებთ, რომ თბილისის საქალაქო სასამართლომ ე.წ. კაბელების საქმეზე ბრადებულებს 7-7 წლიანი პატიმრობა შეუფარდა. ე.წ. კაბელების საქმეზე ხუთი ბრალდებულია - ნუგზარ კაიშაური, დავით წიფურია, არჩილ ალავიძე, გიორგი ლობჟანიძე და გიზო ღლონტი.

გამოძიება მათ თანხების გაფლანგვას ედავება. ხუთივე ბრალდებული გირაოს სანაცვლოდ იყო გათავისუფლებული. ცნობისთვის, საქმის სასამართლო განხილვა 11 მაისს დასრულდა.

ამ საქმესთან დაკავშირებით, შაბათს საქართველოს მთავარ პროკურატურასთან "თავისუფალი დემოკრატები" აქციას გამართავს. აქცია 14:00 საათზე დაიწყება, რომელსაც შესაძლოა სხვა პარტიებიც შეუერთდნენ. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

რეჟიმი გეგმავს მოქალაქეთა პირადი ცხოვრება აკონტროლოს, უცხოელზე დაქორწინებას კომისია შეისწავლის

ბოკუჩავა - ენმ-ს გარე აუდიტი არ სჭირდება იმის აღსაქმელად, რომ მძიმე გამოწვევების წინაშე ვდგავართ

თუ სიჩქარის მცირედი გადაჭარბება იქნება, მძღოლი 50 ლარით დაჯარიმდება, ჯარიმები გაიზრდება - დარახველიძე

საქართველოში შექმნილია სასათბურე პირობები ირანის ტერორისტული რეჟიმის ქსელისთვის – დროა