საქართველოს ეროვნული არქივის გენერალურმა დირექტორმა, თეონა იაშვილმა და ლიტვის მთავარმა არქივისტმა, რამოჟი კრაუჟელისმა, კაუნასის რეგიონულ არქივში გამოფენა „ლიტვა და საქართველო ისტორიულ წყაროებში" გახსნეს.

ღონისძიების ორგანიზატორი ლიტვის ცენტრალური სახელწიფო არქივია. გამოფენაზე წარმოდგენილია  ორი ქვეყნის ურთიერთობის ამსახველი საარქივო დოკუმენტები, რომელიც დაცულია: საქართველოს ეროვნულ არქივში, საქართველოს ხელნაწერთა ეროვნულ ცენტრში, კაუნასის რეგიონულ არქივში, ლიტვის სახელმწიფო საისტორიო არქივში,  კაუნასის რეგიონის საჯარო ბიბლიოთეკასა და მაირონის სახელობის ლიტვის ლიტერატურის მუზეუმში.

გამოფენაზე, რომელიც 30 სექტემბრამდე გაგრძელდება, საქართველოს ეროვნული არქივის მხრიდან წარმოდგენილია: საქართველოს, ლიტვისა და  ევროპის რუკები; კირიონ მეორის ფონდში დაცული წერილები, პოჟაისკის მონასტერთან დაკავშირებული ცნობები;  ინფორმაცია ლიტვური ინტელიგენციის მიერ ლიტვის ავტონომიის მოთხოვნის შესახებ;  ქვეყნებს შორის ეკონომიკური ურთიერთობების ამსახველი მასალა (1920-1930); ლიტვის დამოუკიდებელი სახელმწიფოს პირველი პრეზიდენტის, ალგირდას ბრაზაუსკასის საქართველოში ვიზიტის ფოტოქრონიკა (1996 წ.) და სხვა.

ღონისძიებას ესწრებოდნენ: ლიტვაში საქართველოს საგანგებო და სრულუფლებიანი ელჩი ხათუნა სალუქვაძე, ლიტვის კულტურის ვიცე-მინისტრი რომას ჯაროკისი, კაუნასში ვიტაუტას მაგნუს უნივერსიტეტის რექტორი იოზას აუგუტისი და კაუნასის რეგიონული არქივის წარმომადგენლები.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

პუტინის რეჟიმმა კენედების დინასტიის წევრი, მოქმედი ჯანდაცვის მინისტრის შვილი, ძებნაში გამოაცხადეს და პატიმრობა შეუფარდეს

უკრაინული დრონის თავდასხმის შედეგად ოკუპირებული სევასტოპოლი კვლავ ელექტროენერგიის გარეშე დარჩა

უკრაინამ ბაშკორტოსტანში მდებარე „გაზპრომის“ უდიდეს ნავთობგადამამუშავებელ ქარხანას ბოლო ერთი თვის განმავლობაში მეორედ შეუტია

ხმარა ნოვოროსიისკში ჩატარებული ოპერაციაზე -ჩვენ შევაჩერებთ რუსულ სამხედრო მანქანას