ჩეჩნეთში სოფელ კენხის მცხოვრების რამაზან ჯალალდინოვის სახლი დაწვეს. მისი სახლი მას შემდეგ დაწვეს, რაც მან პუტინს  ჩეჩნეთში კორუფციის შესახებ შესჩივლა, -  ამის შესახებ "ნოვაია-გაზეტა" იუწყება.

მედიის ინფორმაციით, ჯალალდინოვმა აპრილში რუსეთის პრეზიდენტისადმი მიძღვნილი ვიდეომიმართვა ჩაწერა გაავრცელა, რომელშიც ვლადიმერ პუტინს ჩეჩნეთში კორუფციის შესახებ შესჩივლა.

კერძოდ, მამაკაცი უკმაყოფილებას გამოთქვამდა იმის გამო, რომ ადგილობრივი თანამდებობის პირები სტიქიის შედეგად დაზრალებულ მოსახლეობას კომპენსაციის სანაცვლოდ ქრთამს სთხოვდნენ.

როგორც მედია საშუალება წერს, კენხიში ჯალალდინოვის სახლი 12 მაისს, ღამით დაწვეს. ოჯახის წევრების თქმით, ღამით მათთან ნიღბიანი პირები მივიდნენ, რომლებმაც ისინი მანქანაში ჩასვეს და სხვა რაიონში წაიყვანეს, თავად სახლი კი დაწვეს. დაზარალებულების მტკიცებით, თავდამსხმელებმა სოფლის მცხოვრებლებს სახლების დაწვის მუქარით მომხდარის შესახებ საუბარი აუკრძალეს.

დაზარალებულის მეზობლები დაშინების შემდეგ იძულებულები გახდნენ, რომ ჯალალდინოვი ფსიქიკურად დაავადებულად გამოეყვანათ, მაგრამ მოსახლეობის ის ნაწილი, რომელმაც ამაზე უარი განაცხადა, სამართალდამცველებმა დააკავეს.

ცნობისთვის, როგორც დღეს რუსეთის პრეზიდენტის პრესმდივანმა დმიტრი პეკსოვმა განაცხადა, სამართალდამცველებმა დაუყოვნებლივი რეაგირება უნდა მაოხდინონ, თუკი ჩეჩნეთის მცხოვრების სახლის დაწვის შესახებ ინფორმაცია დადასტურდება. ჩეჩნეთის ლიდერის რამზან კადიროვის პრესმდივანი კი აცხადებს, რომ მან სოფელ კენხიში მომხდარის შესახებ არაფერი იცის.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ევროპარლამენტში მუშაობა 1 წლით სამთავრობო „რუსთავი 2“-სა და PosTV-საც აეკრძალათ -კშიშტოფ ბრეიზა

შშმ არასრულწლოვან გერსა და ცოლზე ძალადობის, იძულების და მუქარისთვის 1 პირი დააკავეს

ექიმების განცხადება: მოვუწოდებთ სახელმწიფოს, შეიმუშაოს იშვიათი დაავადებების მართვის მკაფიო პოლიტიკა

კიევის სასამართლომ ფულის გათეთრების საქმეზე უკრაინის პრეზიდენტის ადმინისტრაციის ყოფილი ხელმძღვანელი, ანდრეი იერმაკი დააკავა