2016-05-11 22:51:34, 645 ნახვა
პოლიტიკა
ვაშაძე: ასეთი ნაციონალური მოძრაობით ივანიშვილის დამარცხების პერსპექტივას ვერ ვხედავდი
"ასეთი ნაციონალური მოძრაობით ივანიშვილის დამარცხების პერსპექტივას ვერ ვხედავდი" - ამის შესახებ "ნაციონალური მოძრაობის" ყოფილმა წევრმა გიორგი ვაშაძემ გადაცემა "2030-ში" განაცხადა.
მისი განცხადებით, ის ახალ ძალებში ხედავს ივანიშვილის დამარცხების რეალურ შანსს.
“ამ ახალი ენერგეტიკით და გაერთიანებული ძალებით, ოპოზიციური ფლანგის მიერ ბიძინა ივანიშვილის დამარცხების რეალურ შანსს ვხედავ”, - განაცხადა გიორგი ვაშაძემ, რომელმაც აღნიშნა, რომ “ნაციონალურ მოძრაობაში” გადაწყვეტილებებს ძირითადად, გიგა ბოკერია იღებს.
მან აქვე განაცხადა, რომ თანამშრომლობა ყველა პროდასავლურ ძალასთან სურს, მაგრამ ბლოკებზე და გაერთიანებებზე მსჯელობას ნაადრევად მიიჩნევს. მისივე განცხადებით, პარლამენტში არც ერთი კოლეგა ქვეყნის მტრად არ მიაჩნია, არავის უპირისპირდება და მტრად არავის აცხადებს.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
