ბანგლადეშში სამხედრო დანაშაულებისთვის ქვეყნის უმსხვილესი ისლამისტური პოლიტიკური პარტიის "ჯამაატ-ი-ისლამის" ლიდერი მოტიურა რაჰმან ნიზამი სიკვდილით დასაჯეს, - ამის შესახებ ადგილობრივი მედია იუყება.

როგორც მედია საშუალება წერს, პოლიტიკოსი დაკას ცენტრალურ ციხეში ჩამოახვრჩეს. ნიზამის მომხრეების საპროტესტო გამოსვლების აღსაკვეთად ბანგლადეშის უმსხვილეს ქალაქებში უსაფრთხოების ზომები გაამკაცრეს.

შეგახსენებთ, რომ 73 წლის ნიზამის სასამართლომ სასიკვდილო განაჩენი გასულ წელს გამოუტანა. ის დამნაშავედ ცნეს 1971 წლის პაკისტანისგან დამოუკიდებლობისთვის ბანგლადეშის ომის დროს ჩადენილი დანაშაულებისათვის. ნიზამის გენოციდში, მკვლელობებში, წამებასა და გაუპატიურებაში ადანაშაულებდნენ. ბრალდების მხარის ვერსიით, ის ომის დროს პაკისტანს ბანგლადეშელი აქტივისტების სახელებს აწვდიდა.

ცნობისთვის, ნიზამიმ განაჩენი რამდენჯერმე გაასაჩივრა, თუმცა მისი აპელაციები არ დააკმაყოფილეს. მაისის დასაწყისში განაჩენი ბანგლადეშის უზენაესმა სასამართლომ ძალაში დატოვა. ამასთან, მსჯავრდებულმა უარი თქვა პრეზიდენტისთვის შეწყალების თხოვნით მიმართვაზე.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

sCool Card-ით სასკოლო ფორმის შეძენაზე მოსწავლეები 30%-მდე ქეშბექს მიიღებენ

"ლელო-ძლიერი საქართველო": გასული 34 წლის მანძილზე საქართველოს ტერიტორიაზე მომხდარ ყველა შეიარაღებულ კონფლიქტში ჩვენი ქვეყანა მუდამ იცავდა საკუთარ სახელმწიფო ინტერესებს

ნინო სუხიშვილი მიმართვას ავრცელებს

მიქაუტაძე ამბობს, რომ ბიზნესმენებისგან აღებული ფული გრიგოლ ლილუაშვილთან მიჰქონდა