პარლამენტის ადამიანის უფლებათა დაცვისა და სამოქალაქო ინტეგრაციის  კომიტეტის სხდომაზე, სადაც "საქართველოს საკონსტიტუციო სასამართლოს შესახებ" საქართველოს ორგანულ კანონში ცვლილების შეტანის თაობაზე" და "საკონსტიტუციო სამართალწარმოების შესახებ" საქართველოს კანონში ცვლილების შეტანის თაობაზე" კანონპროექტებს მეორე მოსმენით განიხილავენ, ირინა იმერლიშვილსა და ეკა ბესელიას შორის შეკამათება მოხდა.

ეროვნული უშიშროების საბჭოს მდივანის თქმით, სერიოზული პრობლემაა, როდესაც პარლამენტი ვენეციის კომისიაში არ გაგზავნილი პროექტის მიღებას აპირებს.

„მგონია, რომ ისედაც ძალიან სერიოზული პრობლემაა, როდესაც პარლამენტი  ვენეციის კომისიაში არ გაგზავნილ პროექტს აპირებს, რომ მიიღოს, ეს არის კანონი საკონსტიტუციო სასამართლოს შესახებ, რომელიც აუცილებლად, თუ ჩვენ ვართ ევროსაბჭოს წევრები და ვართ, ასეთი კანონი აუცილებლად უნდა გაიგზავნოს ვენეციის კომისიაში და მხოლოდ მათი დასკვნის შემდეგ უნდა მიიღოს პარლამენტმა და არა პოსტ ფაქტუმ როგორც მოხდა სამწუხაროდ საარჩევნო კოდექსის“,-განაცხადა იმერლიშვილმა.

ადამიანის უფლებათა დაცვის კომიტეტის თავმჯდომარე ეკა ბესელიამ მას შეახსენა, რომ კანონპროექტებს მუხლობრივად განიხილავდნენ და სწორედ მუხლზე უნდა ესაუბრა.

„ირინა, მუხლზე უნდა ვისაუბროთ. შენ პროცედურები კარგად იცი“,-აღნიშნა ბესელიამ.

მისივე მტკიცებით, ვენეციის კომისიაში პროექტის გაგზავნას არანაირი აზრი არ ჰქონდა.

„იმიტომ, რომ ის პირველი ვერსია, რაც იყო, პრინციპების დონეზე შეცვლილია და იმ დოკუმენტზე უნდა იმუშაოს ვენეციის კომისიამ, რომელიც უკვე პრინციპების დონეზე მხარდაჭერილია, თორემ აღმოჩნდებოდა, რომ კიდევ სხვა დოკუმენტი უნდა გაგვეგზავნა“, - განმარტა ეკა ბესელიამ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ყირიმში, ნავთობბაზისა და ბორნის დაბომბვის შემდეგ, მათ შეწყვიტეს საწვავის გაყიდვა და დახურეს ქერჩის გადასასვლელი

აფხაზეთის საოკუპაციო რეჟიმი - თბილისიდან მშვიდობა მხოლოდ ძალის გამოუყენებლობის შესახებ შეთანხმებაა

ალბანეთში ათიათასობით ადამიანმა კუშნერ-ივანკა ტრამპთან დაკავშირებული კურორტის წინააღმდეგ საპროტესტო აქცია გამართა

მოვითხოვთ, 4 ოქტომბრის საქმის საფუძვლიან და ობიექტურ გადახედვას - მეცნიერებათა აკადემია