პენტაგონის ინფორმაციით, ერაყში "ისლამური სახელმწიფოს" ერთ-ერთი ლიდერი მოკლეს

2016-05-10 11:30:18, 1267 ნახვა

მსოფლიო

ერაყის ანბარის პროვინციაში კოალიციის ავიადარტყმის შედეგად “ისლამური სახელმწიფოს” ლიდერი აბუ ვაჰიბი მოკლეს, - ამის შესახებ BBC პენტაგონზე იუწყება.

როგორც მედია საშუალება წერს, აშშ-ის თავდაცვის დეპარტამენტის წარმომადგენლის პიტერ კუკის ცნობით, ავტომობილზე განხორციელებულ საჰაერო დარტყმას ვაჰიბის გარდა კიდევ სამი მებრძოლი ემსხვერპლა.

ცნობისთვის, აბუ ვაჰიბის გარდაცვალების შესახებ მედიაში ინფორმაცია არაერთხელ გავრცელებულა, თუმცა აქამდე პენტაგონი მის სიკვდილს არ ადაუდასტურებდა.

აღსანიშნავია, რომ “ალ-ქაიდას” ყოფილი წევრი აბუ ვაჰიბი ერაყში ამერიკელმა სამხედროებმა დააკავეს. მას სიკვდილით დასჯა მიუსაჯეს, თუმცა 2012 წელს ის პატიმრობიდან გაიქცა. აბუ ვაჰიბი მონაწილეობდა სატვირთო ავტომობილების მძღოლების მკვლელობაში.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან