„კონსერვატიული პარტიის“ ლიდერი ზვიად ძიძიგური ადასტურებს, რომ უზენაესი სასამართლოს მოსამართლეობის კანდიდატი თამარ ლალიაშვილი მისი ბრალმდებელი იყო.

როგორც ზვიად ძიძიგურმა ჟურნალისტებს განუცხადა, 20 წლის წინ, 1995 წელს, ლალიაშვილი მის სასამართლო პროცესზე პროკურორი იყო.

„არავითარი ბოღმა არ მაქვს გულში ამის გამო. მის კანდიდატურას მხარს დაუჭერს თუ არა უმრავლესობა, ამასთან დაკავშირებით კონსულტაციები როცა გაიმართება, შემდეგ გახდება ცნობილი“, - განაცხადა ზვიად ძიძიგურმა.

შეგახსენებთ, რომ საქართველოს უზენაესი სასამართლოს მოსამართლეობის კანდიდატმა, თამარ ლალიაშვილმა დღეს განმარტება გააკეთა გავრცელებულ ინფორმაციაზე, რომ გასული საუკუნის 90-იან წლებში დეპუტატ ზვიად ძიძიგურის პროცესზე პროკურორი იყო.

მან აღნიშნა, რომ ზვიად ძიძიგურის სიკვდილით დასჯას მხარს არ უჭერდა. ლალიაშვილის თქმით, ამის დამადასტურებელი საბუთები არსებობს - სასამართლო სხდომის ოქმი და სატელევიზიო ჩანაწერებიც.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ყირიმში, ნავთობბაზისა და ბორნის დაბომბვის შემდეგ, მათ შეწყვიტეს საწვავის გაყიდვა და დახურეს ქერჩის გადასასვლელი

აფხაზეთის საოკუპაციო რეჟიმი - თბილისიდან მშვიდობა მხოლოდ ძალის გამოუყენებლობის შესახებ შეთანხმებაა

ალბანეთში ათიათასობით ადამიანმა კუშნერ-ივანკა ტრამპთან დაკავშირებული კურორტის წინააღმდეგ საპროტესტო აქცია გამართა

მოვითხოვთ, 4 ოქტომბრის საქმის საფუძვლიან და ობიექტურ გადახედვას - მეცნიერებათა აკადემია