"ივანიშვილმა მარტივად თქვა, მინდა და ნარმანიამაც, კი ბატონო, თუ გინდათ, წაიღეთო" - ამის შესახებ "ნაციონალური მოძრაობის" წევრმა ნიკა მელიამ გადაცემა "არჩევანში" ბოტანიკური ბაღის მიმდებარედ 29 ჰექტრის გაყიდვაზე საუბრისას განაცხადა.

მისი თქმით, ტერიტორია დანაშაულებრივი გზით იქნა გატანილი აუქციონზე.

“მესაკუთრე რომ გახდებოდა ბიძინა ივანიშვილი, ეს მარტივად პროგნოზირებადი იყო, მაგრამ აქ საუბარი არ არის მხოლოდ იმაზე, რომ ივანიშვილმა შუაგული თბილისიდან ამოგლიჯა 29 ჰექტარი და  წაიღო სახლში. დანაშაულებრივად გააკეთა ეს. დანაშაულებრივად, წინასწარი შეთანხმებით იქნა ეს ტერიტორია აუქციონზე გამოტანილი. ივანიშვილმა მარტივად თქვა, მინდა და ნარმანიამაც, კი ბატონო, თუ გინდათ, წაიღეთო და წაიღო. გზას რეალურად ახლა აშენებენ სხვაგან და დამატებით 700 ხე უნდა გაიჩეხოს,“ - განაცხადა ნიკა მელიამ.

მისივე თქმით, მერიამ აღნიშნულ ტერიტორიაზე გაყვანილი გაზის მილების გადასატანად ახალი კომპანიასთან გააფორმა კონტრაქტი.

„ჩვენ ჩაგვივარდა დოკუმენტი, რომლის მიხედვითაც, 19 აპრილს მერიამ ხელშეკრულება გააფორმა ახლა კომპანიასთან, რომელსაც უხდის მილიონ სამასი ათას ლარს, რომ ის გატანილი გაზის მილი კიდევ უფრო გადაიტანონ სიღრმეში, ვინაიდან პროექტი შეიცვალა. აქ ჩვენ საქმე გვაქვს საბიუჯეტო თანხებისგაფლანგვასთან,“ - აღნიშნა მელიამ.    

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ყირიმში, ნავთობბაზისა და ბორნის დაბომბვის შემდეგ, მათ შეწყვიტეს საწვავის გაყიდვა და დახურეს ქერჩის გადასასვლელი

აფხაზეთის საოკუპაციო რეჟიმი - თბილისიდან მშვიდობა მხოლოდ ძალის გამოუყენებლობის შესახებ შეთანხმებაა

ალბანეთში ათიათასობით ადამიანმა კუშნერ-ივანკა ტრამპთან დაკავშირებული კურორტის წინააღმდეგ საპროტესტო აქცია გამართა

მოვითხოვთ, 4 ოქტომბრის საქმის საფუძვლიან და ობიექტურ გადახედვას - მეცნიერებათა აკადემია