სტატისტიკის ეროვნული სამსახურის მოსახლეობის 2014 წლის აღწერის მონაცემებით,   ქვეყანაში  1 109,0 ათასი  კერძო შინამეურნეობა აღიწერა.

კერძო შინამეურნეობებში მუდმივად მცხოვრებთა რიცხვმა  3 702,1 ათასი კაცი, ანუ ქვეყნის მოსახლეობის 99,7% შეადგინა.

მოსახლეობის უმნიშვნელო ნაწილი ინსტიტუციურ დაწესებულებებში (მაგალითად, პენიტენციურ დაწესებულებაში, ხანდაზმულთა სახლებში, მონასტრებში და სხვა.) ცხოვრობს.

კერძო შინამეურნეობათა  რაოდენობა 2002 წლის აღწერასთან შედარებით, 10,8%-ითაა შემცირებული.

კერძო შინამეურნეობის წევრთა საშუალო  რაოდენობა წინა აღწერასთან შდარებით, 0,2 ერთეულით შემცირდა  და 3,3 კაცი შეადგინა.

კერძო შინამეურნეობების წევრთა  საშუალო  რაოდენობის მიხედვით, ყველაზე  დიდი მაჩვენებელი აღინიშნა აჭარის ა.რ.-ში, ქვემო ქართლში და სამცხე-ჯავახეთში. წევრთა საშუალო რაოდენობის მიხედვით,  ყველაზე მცირე მაჩვენებელი დაფიქსირდა რაჭა-ლეჩხუმისა და ქვემო სვანეთის რეგიონში.

ინფორმაციისთვის, შინამეურნეობა არის ადამიანთა ერთობლიობა,  რომელიც  ექვემდებარება ერთ საცხოვრებელ  ერთეულზე  ერთობლივი  ცხოვრების საერთო წესებს და დაკავშირებულია საერთო  ბიუჯეტით, ნათესაური ან/და არანათესაური ურთიერთობებით. შინამეურნეობა   შეიძლება შედგებოდეს ერთი პირისგანაც.

საქართველოს 2014 წლის სასოფლო-სამეურნეო  აღწერა საქსტატმა გაერო-ს  სურსათისა და სოფლის მეურნეობის ორგანიზაციის მიერ  რეკომენდებული 2006-2015 წლების  მსოფლიო  სასოფლო-სამეურნეო აღწერის პროგრამის შესაბამისად ჩაატარა.

მოსახლეობის აღწერა  2014 წლის 5 ნოემბრიდან 19 ნოემბრის ჩათვლით პერიოდში ჩატარდა.

საქსტატის ინფორმაციით, აღწერამ მოიცვა ქვეყნის მთელი ტერიტორიის 82%. აღწერა ვერ ჩატარდა ოკუპირებულ ტერიტორიებზე. აღწერა ჩატარდა ქვეყნის დასახლებების 79%-ში, მოიცვა 71 თვითმმართველი ერთეული და 3724 დასახლება. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ყირიმში, ნავთობბაზისა და ბორნის დაბომბვის შემდეგ, მათ შეწყვიტეს საწვავის გაყიდვა და დახურეს ქერჩის გადასასვლელი

აფხაზეთის საოკუპაციო რეჟიმი - თბილისიდან მშვიდობა მხოლოდ ძალის გამოუყენებლობის შესახებ შეთანხმებაა

ალბანეთში ათიათასობით ადამიანმა კუშნერ-ივანკა ტრამპთან დაკავშირებული კურორტის წინააღმდეგ საპროტესტო აქცია გამართა

მოვითხოვთ, 4 ოქტომბრის საქმის საფუძვლიან და ობიექტურ გადახედვას - მეცნიერებათა აკადემია