პარტია "თავისუფალი დემორკატების" წევრები დღეს კახეთში იმყოფებოდნენ. ისინი ადგილობრივებს  შეხვდნენ და მათ პრობლემებს გაეცნენ.

როგორც პარტიის მიერ გავრცელებულ განცხადებაშია ნათქვამი, კახეთში ყველაზე კარგად გამოჩნდა, რომ საქართველოში მოსახლეობა ტოტალურად გაჭირვებულია.

"დღეს თავისუფალი დემოკრატები კახეთში ვიყავით ადგილობრივების პრობლემების გასაცნობად. რადგან კვირა დღეა და კახელები ამ დღეს ძირითადად ბაზარში არიან, ზოგი სავაჭროდ, ზოგიც კი სურსათის მარაგის შესაძენად, ბოდბისხევის ბაზრობაზე გავედით. 

სიტუაცია კატასტროფული დაგვხვდა. აქ ყველაზე კარგად გამოჩნდა, თუ რა ვითარებაა კახეთში და ზოგადად მთელს საქართველოში. მოსახლეობა ტოტალურად გაჭირვებულია, ბაზარში დახლებთან უმეტესად პენსიონერები და მოხუცები დგანან - ოჯახებიდან გამოტანილ ნივთებს, ძველმანებს ყიდიან, რომ საჭმლის ელემენტარული ფული იშოვონ. 

თვალში საცემი იყო, რომ ბაზარში მყიდველები არ არიან, თუ ვინმე რამეს ყიდულობს, ისისც ელემენტარული საარსებო შენაძენებია, დიდ მარაგზე ხომ ლააპარაკიც კი ზედმეტია. 

უმუშევრობა, გაუფასურებული ლარი, პენსიები და სახელმწიფოს მხრიდან ამ ადამიანების პრობლემების სრული უგულვებელყოფაა, კახელების და მთელი საქართველოს მთავარი პრობლემა. 

150 ლარით პენსიონერები ელემენტარულ საკვებსაც კი ვეღარ ყიდულობენ. 

ბოდბისხევის ბაზარში ერთგვარი ექსპერიმენტი ჩავატარეთ: დღეს საქართველოში საარსებო მინიმუმი 160 ლარია, ამ თანხის 70%, ანუ 112 ლარი, გათვლილია სასურსათო კალათის შესაძენად, რომელიც ერთ ადამიანს თვის განმავლობაში უნდა ეყოს; ყველაზე ცინიკური ის არის, რომ ამ თანხით დღეს ერთი კვირის სამყოფ საჭმელსაც კი ვერ იყიდი, რომ არაფერი ვთქვათ მთელი თვის მარაგზე...",-ნათქვამია განცხადებაში.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

გომის მთაზე მიკროავტობუსის ხრამში გადავარდნის შედეგად ბელარუსიის ოთხი მოქალაქე ადგილზე დაიღუპა, 20 ადამიანი მათ შორის ორი ბავშვი დაშავდა

გომის მთაზე მიკროავტობუსი გადავარდა - არსებული ცნობებით, არიან დაღუპულები

ნიკა გვარამია: ივანიშვილის რეჟიმმა აღიარა რუსული სამხედრო მანქანისადმი პირდაპირი დახმარება

საქართველოს ოპოზიცია იმ კომპანიის დასახელებას ითხოვს, რომელმაც აფხაზეთს საწვავი მიაწოდა