პარიზის ტერაქტებში ბრალდებულის ექსტრადირება განხორციელდა

2016-04-27 12:29:50, 1313 ნახვა

მსოფლიო

პარიზის ტერაქტებში ბრალდებული სალაჰ აბდესლამის ექსტრადირება განხორციელდა, - ამის შესახებ BBC იუწყება.

მედია საშუალების ინფორმაციით, აბდესლამი ბელგიელმა სამართალდამცველებმა საფრანგეთს გადასცეს, სადაც სასამართლოს წინაშე წარსდგება.

შეგახსენებთ, რომ აბდესლამი 18 მარტს, ბრიუსელში ოთხთვიანი ძებნის შემდეგ დააკავეს.

ბელგიაში დაბადებული და საფრანგეთის მოქალაქეობის მქონე 26 წლის სალაჰ აბდესლამი პარიზის ტერაქტების ერთ-ერთ გადარჩენილ მონაწილედ მიიჩნევა. ის ამავე დროს ამ თავდასხმების ორგანიზებაშიც არის ეჭვმიტანილი.

ცნობისთვის, 2015 წლის 13 ნოემბერს პარიზში განხორციელებული ტერაქტების სერიას 130 ადამიანი ემსხვერპლა.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან