კომპანია „არქი ჯგუფი“ საგანგებო განცხადებას ავრცელებს.

როგორც კომპანიის განცხადებაშია აღნიშნული, დღეს, დაახლოებით 20:00 საათზე, ილია ჭავჭავაძის გამზირზე მშენებარე კორპუსში „არქი თაუერი“ საწყობში ხანძარი დაფიქსირდა.

„ხანძარს არ მოჰყოლია მსხვერპლი და არავინ დაშავებულა. სამაშველო სამსახურების მუშაობის შედეგად, ხანძარი დროზე იქნა ლოკალიზებული.

იმ ფაქტის გათვალისწინებითაც, რომ კომპანია არქი ჯგუფის ყველა სახლი აშენებულია ენერგოეფექტური და ცეცხლგამძლე  სამშენებლო ბლოკით - YTONG, ხანძარი არ გავრცელდა საწყობის გარდა სხვა პერიმეტრზე. თუმცა, კვამლიდან გამომდინარე, დაზიანდა გარე ფასადის გარკვეული ნაწილი, რომლის აღდგენასაც კომპანია უახლოეს დღეებში შეძლებს.

ხანძრის გამომწვევ მიზეზებს ამ ეტაპზე კომპანიის წარმომადგენლები და კრიმინალისტები იკვლევენ. დამწვარია მხოლოდ საწყობში მდებარე სამშენებლო მასალა.

არ დაზიანებულა არც ერთი მაცხოვრებლის ფართი.

აღსანიშნავია, ის ფაქტი, რომ არქი ჯგუფის სამშენებლო პროცესი ყველა საერთაშორისო რეკომენდირებული ნორმის დაცვით მიმდინარეობს, ენერგოეფექტიური და ცეცხლამძლე მასალებით , რასაც მინიმუმამდე დაჰყავს ხანძრის მასიური გავრცელების რისკი , როგორც მშენებლობის ასევე ექსპლუატაციის პერიოდში”, - ნათქვამია „არქი ჯგუფის“ განცხადებაში.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მოსკოვის ნავთობგადამამუშავებელი ქარხანა კიდევ უფრო დაზიანდა ერთი კვირის განმავლობაში მეორეჯერ თავდასხმის შედეგად.

დიდმა ბრიტანეთმა, გერმანიამ და ნატოს კიდევ ხუთმა ქვეყანამ უკრაინას ასობით მილიონი დოლარის ღირებულების დრონებისა და რაკეტების ახალი მიწოდება დაჰპირდნენ

ცოლის ინფორმაციით, ბაქოს სააპელაციო სასამართლომ აფგან სადიგოვი პატიმრობაში დატოვა

ურეკში 4 ადამიანი ზღვის დინებამ წაიღო, მაშველებმა 4-ვე გამოიყვანეს, თუმცა 1 დაიღუპა