ამერიკის შეერთებული შტატების კონგრესმენის, სტივ რასელის განცხადებას, საქართველოში აშშ-ის ელჩის მოადგილე ნიკოლას ბერლინერი გამოეხმაურა.

როგორც ელჩის მოადგილემ აღნიშნა, სიტყვის გამოხატვის თავისუფლება კონგრესის ყველა წევრს აქვს, თუმცა კონგრესმენ რასელის განცხადება ამერიკის მთავრობისა და მინისტრთა კაბინეტის პოზიციას არ წარმოადგენს.

„კონგრესის ყველა წევრს აქვს სიტყვის გამოხატვის თავისუფლება, თუმცა მთავარი ისაა, რომ ეს განცხადება არ წარმოადგენს ამერიკის შეერთებული შტატების მთავრობისა და მინისტრთა კაბინეტის პოზიციას“, - განაცხადა ნიკოლას ბერლინერმა.

ცნობისთვის, ამერიკის შეერთებული შტატების კონგრესმენმა სტივ რასელმა კონგრესის წარმომადგენელთა პალატის სხდომაზე საქართველოს ყოფილი პრემიერი, ბიძინა ივანიშვილი გააკრიტიკა და მისი ანგარიშების გაყინვა მოითხოვა.

როგორც კონგრესმენმა აღნიშნა, ივანიშვილი მთავრობაზე გავლენას კვლავ ინარჩუნებს. მან ყოფილი პრემიერი რუსეთისადმი ლოიალურად და პუტინის მოკავშირედაც მოიხსენია.

„რუსეთი ჩვეული გეგმის მიხედვით ცდილობს პოლიტიკურ პროცესებში ჩარევას, იმ იმედით, რომ საქართველოს დედაქალაქში პრორუსული ხელისუფლება იქნება. მთავარი მოქმედი პირი ამ პოლიტიკურ პროცესში ვლადიმერ პუტინის ახლო მოკავშირე, ოლიგარქი ბიძინა ივანიშვილია. მისი მიზანი საარჩევნო პროცესში ჩარევაა, ხმების ყიდვისა და პოლიტიკური ოპონენტების დასჯის გზით. ასევე მისი მიზანია, ქვეყნის ადმინისტრაციული და პოლიტიკური რესურსების გამოყენებით, არჩევნებზე ზეგავლენის მოხდენა. მოვუწოდებთ შეერთებული შტატების პრეზიდენტს დაეხმაროს საქართველოს საარჩევნო პროცესის მონიტორინიგის თვალსაზრისით. მოვუწოდებთ შეერთებული შტატების ფინანსთა სამინისტროსა და დასავლურ ბანკებს, გაყინონ ივანიშვილის ანგარიშები“, - განაცხადა სტივ რასელმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ყირიმში, ნავთობბაზისა და ბორნის დაბომბვის შემდეგ, მათ შეწყვიტეს საწვავის გაყიდვა და დახურეს ქერჩის გადასასვლელი

აფხაზეთის საოკუპაციო რეჟიმი - თბილისიდან მშვიდობა მხოლოდ ძალის გამოუყენებლობის შესახებ შეთანხმებაა

ალბანეთში ათიათასობით ადამიანმა კუშნერ-ივანკა ტრამპთან დაკავშირებული კურორტის წინააღმდეგ საპროტესტო აქცია გამართა

მოვითხოვთ, 4 ოქტომბრის საქმის საფუძვლიან და ობიექტურ გადახედვას - მეცნიერებათა აკადემია