ლილოს დასახლებაში გამთენიისას გაჩენილი ხანძარი ამ დროისთვის ლიკვიდირებულია. ხანძარი სასაწყობე მეურნეობაში გაჩნდა, სადაც საყოფაცხოვრებო ნივთები ინახებოდა. ხანძრის შედეგად 2 ადამიანი დაშავდა და 400 კვ/მ-ის ფართი განადგურდა.

როგორც „ექსპრესნიუსს“ შინაგან საქმეთა სამინისტროს საგანგებო სიტუაციების მართვის სააგენტოს საზოგადოებასთან ურთიერთობის სამსახურში განუცხადეს ამ დროისთვის ხანძარი ლიკვიდირებულია.

მათივე ცნობით, ხანძრის შედეგად 400 კვ/მ-ზე დაიწვა ჭურჭლის საწყობი. ადგილზე 12 სახანძრო მანქანა იყო მობილიზებული.  

ხანძრის შედეგად ორი ადამიანი დაშავდა - მეხანძრე და თავად ობიექტის დაცვის თანამშრომელი. მეხანძრეს დახმარება ადგილზევე აღმოუჩინეს, ხოლო მეორე დაშავებული საავადმყოფოში გადაიყვანეს.

შინაგან საქმეთა სამინისტროს საზოგადოებასთან ურთიერთობის სამსახურში „ექსპრესნიუსს“ განუცხადეს, რომ გამოძიება სისხლის სამართლის კოდექსის 187-ე მუხლით დაიწყო, რაც სხვისი ნივთის დაზიანებას, ან განადგურებას გულისხმობს, რამაც მნიშვნელოვანი ზიანი გამოიწვია და ისჯება ჯარიმით ან საზოგადოებისათვის სასარგებლო შრომით ვადით ასიდან ას ოთხმოც საათამდე ან გამასწორებელი სამუშაოთი ვადით ერთ წლამდე ანდა თავისუფლების აღკვეთით ვადით ერთიდან სამ წლამდე.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მოსკოვის ნავთობგადამამუშავებელი ქარხანა კიდევ უფრო დაზიანდა ერთი კვირის განმავლობაში მეორეჯერ თავდასხმის შედეგად.

დიდმა ბრიტანეთმა, გერმანიამ და ნატოს კიდევ ხუთმა ქვეყანამ უკრაინას ასობით მილიონი დოლარის ღირებულების დრონებისა და რაკეტების ახალი მიწოდება დაჰპირდნენ

ცოლის ინფორმაციით, ბაქოს სააპელაციო სასამართლომ აფგან სადიგოვი პატიმრობაში დატოვა

ურეკში 4 ადამიანი ზღვის დინებამ წაიღო, მაშველებმა 4-ვე გამოიყვანეს, თუმცა 1 დაიღუპა