სსიპ „ბათუმის ბულვარის“ ადმინისტრაცია ტურისტულ სეზონთან დაკავშირებით, სხვადასხვა სახის სამეწარმეო საქმიანობის განსახორციელებლად 20 აპრილიდან ელექტრონული აუქციონის გამოცხადებას იწყებს.

როგორც „ექსპრესნიუსს“ აჭარის მთავრობის ადმინისტრაციის პრესსამსახურიდან აცნობეს, აუქციონში მონაწილეობის მიღება ნებისმიერ იურიდიულ თუ ფიზიკურ პირს შეუძლია. ბულვარის ადმინისტრაცია ასევე მზად არის განიხილოს ყველა საინტერესო ახალი შემოთავაზება თუ პროექტი, რომელიც ადმინისტრაციაში იქნება წარმოდგენილი. აუქციონში მონაწილეობის მსურველებმა რეგისტრაცია www.eauction.ge -ზე უნდა გაიარონ.

აუქციონში გამარჯვებულ მოქალაქეებს საშუალება მიეცემათ, საკურორტო სეზონთან დაკავშირებით, ბულვარში  სამეწარმეო საქმიანობა განახორციელონ.

ელექტრონული აუქციონები სხვადასხვა კატეგორიებზე გამოცხადდება, რომლებიც შემდგომში ბათუმის ბულვარის ტერიტორიაზე განთავსდება:

ბატი-ბუტის აპარატი (ელექტრო); სიმინდის აპარატი  (ელექტრო); სუვენირების დახლი; გასართობი აპარატი; გასართობი ატრაქციონი; სასეირნო ველოსიპედი (რიგშა); სანაყინე ჯიხურები; ელექტრო მობილი; ჩამოსასხმელი ლუდის (კასრი); ნაყინის აპარატი (ჩამოსასხმელი); საბავშო გასართობი კუთხე; ყავის კუთხე; ექსტრემალური პარკი; ბამბის ნაყინი (ელექტრო); ტირი; ფოტოჯიხური; სათვალის დახლი; 5დ ატრაქციონი; სასწორი; სამასაჟო კუთხე (პლაჟზე); საინფორმაციო დახლები; ბურახის კასრი; ბატუტი; ლიტერატურული კუთხე;სეგვეი (ორბორბლიანი ელექტრო ტრანსპორტი); ტენისის,  ბილიარდის მაგიდა; საპლაჟო ინფრასტრუქტურა (ბათუმი); გართობისა და კვების ობიექტი ( ბათუმი); საპლაჟო ინფრასტრუქტურა (კვარიათი); გართობისა და კვების ობიექტი (კვარიათი); საპლაჟო ინფრასტუქტურა (გონიო); გართობისა და კვების ობიექტი (გონიო); საპლაჟო ინფრასტრუქტურა (მწვანე კონცხი); გართობისა და კვების ობიექტი(მწვანე კონცხი); საპლაჟო ინფრასტრუქტურა (მახინჯაური); გართობისა და კვების ობიექტი(მახინჯაური); პლაჟების ბრენდირება; სასეირნო საბავშვო მანქანები; ქართული ღვინის კუთხე; ფლაერების დარიგება; საპრეზენტაციო დახლი.

დამატებითი ინფორმაციის  მისაღებად, მიბრძანდით ბათუმის ბულვარის ადმინისტრაციაში შემდეგ მისამართზე: ქ. ბათუმი, კ. გამსახურდიას ქ. №2  ან დაგვიკავშირდით,  ტელ: 0422 27 88 08.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

დეკანოზი ანდრია პოლიტპატიმრების შეწყალებაზე: კვლავ დავაყენებთ საკითხს და ვისაუბრებთ ამაზე ხელისუფლებასთან

მეუფე ილარიონი ვარაუდობს, რომ შიო III სინდისის პატიმრები გათავისუფლების საკითხს დააყენებს

პატრიარქ შიო III-ის აღსაყდრება დაიწყო - ცერემონიალს ბიძინა ივანიშვილიც ესწრება

The Economist - უკრაინამ სამი წლის განმავლობაში პირველად აიღო ინიციატივა ფრონტის ხაზზე