საგარეო საქმეთა მინისტრის მოადგილე, დავით დონდუა შეხვდა აშშ-ს სახელმწიფო მდივნის თანაშემწის მოადგილეს, ევროპის და ევრაზიის საკითხთა ბიუროს საჯარო დიპლომატიის მიმართულების კურატორს, ბენჯამინ ზიფს, რომელიც საქართველოს ნატოს სახალხო დიპლომატიის კვირეულის ფარგლებში სტუმრობს.

ბენჯამინ ზიფი შეხვედრებს მართავს საქართველოს ხელისუფლების წარმომადგენლებთან. ორმხრივი ურთიერთობის მნიშვნელოვან თემებთან ერთად, ძირითადად, საქართველოს ხელისუფლების მიერ სახალხო დიპლომატიის მიმართულების გაძლიერების საკითხი განიხილება.
დავით დონდუამ მიმოიხილა სახალხო დიპლომატიისა და სტრატეგიული კომუნიკაციების კომპონენტების გაძლიერების კუთხით საქართველოს მთავრობის მიერ გადადგმული ნაბიჯები და გასატარებელი ღონისძიებები, რაშიც დიდი მნიშვნელობა ენიჭება ამერიკული მხარის ჩართულობასა და მხარდაჭერას. მხარეებმა განსაკუთრებული ყურადღება გაამახვილეს სტრატეგიული კომუნიკაციების გაძლიერების მნიშვნელობაზე ევროპული და ევროატლანტიკური ინტეგრაციის პროცესში საქართველოს პროგრესის უკეთ წარმოჩენის მიზნით.
შეხვედრაზე მხარეებმა ასევე განიხილეს 2016 წლის ნატოს ვარშავის სამიტის სამზადისი და მოლოდინები, განსაკუთრებული აქცენტი გაკეთდა სამიტზე საქართველოს მიერ ევროატლანტიკური ინტეგრაციის კუთხით მიღწეული შედეგების სათანადო ასახვის მნიშვნელობაზე.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მოსკოვის ნავთობგადამამუშავებელი ქარხანა კიდევ უფრო დაზიანდა ერთი კვირის განმავლობაში მეორეჯერ თავდასხმის შედეგად.

დიდმა ბრიტანეთმა, გერმანიამ და ნატოს კიდევ ხუთმა ქვეყანამ უკრაინას ასობით მილიონი დოლარის ღირებულების დრონებისა და რაკეტების ახალი მიწოდება დაჰპირდნენ

ცოლის ინფორმაციით, ბაქოს სააპელაციო სასამართლომ აფგან სადიგოვი პატიმრობაში დატოვა

ურეკში 4 ადამიანი ზღვის დინებამ წაიღო, მაშველებმა 4-ვე გამოიყვანეს, თუმცა 1 დაიღუპა