უნგრეთის სახელმწიფო ტელევიზიამ სამშაბათს განაცხადა, რომ მისი საინფორმაციო გამოშვება დროებით შეჩერდა, რადგან მთავრობა საზოგადოებრივი მედიის რეფორმირებას ახორციელებს, რათა ის „დამოუკიდებელი და სანდო“ გახდეს.

სახელმწიფო ტელევიზიის მთავარმა არხმა M1 განცხადება შავ ეკრანზე განათავსა, რომელზეც წარწერა იყო: „საზოგადოებრივ მედიას არ შეუძლია ტყუილის თქმა. მიუხედავად ამისა, ბოდიშს ვიხდით, რომ ამას მრავალი წლის განმავლობაში ვაკეთებდით“.

სამშაბათს, ადგილობრივმა მედიამ გაავრცელა ინფორმაცია, რომ ზოგიერთი სახელმწიფო ტელევიზიისა და რადიოს რედაქტორი თანამდებობიდან გაათავისუფლეს. Reuters-მა დაუყოვნებლივ ვერ გადაამოწმა ინფორმაცია.

ეს ნაბიჯები შეესაბამება პრემიერ-მინისტრ პიტერ მადიარის საარჩევნო დაპირებას, რომ რეფორმირებას გაუწევდა სახელმწიფო მედიას და შეწყვეტდა იმას, რასაც მან ყოფილი პრემიერ-მინისტრის, ვიქტორ ორბანის დროს „პროპაგანდას“.

„საზოგადოებრივი მედია ამჟამად რეფორმირდება, რათა მომავალში დამოუკიდებელი და სანდო იყოს. საინფორმაციო გამოშვება დროებით შეჩერებულია. გთხოვთ, დარჩით ჩვენთან!“ - ნათქვამია M1-ის განცხადებაში.

მადიარმა, რომლის პარტიამაც აპრილის არჩევნებში ორბანის ნაციონალისტური პარტია „ფიდესი“ 16 წლიანი ხელისუფლებაში ყოფნის შემდეგ დაამარცხა, ორბანის ძალაუფლების ძირითადი ბასტიონების, მათ შორის სახელმწიფო მედიის, გადახედვა დაიწყო. მან განაცხადა, რომ აღადგენს კონტროლისა და ბალანსის მექანიზმებს და გაანადგურებს კორუფციას.

ავტორი: ექსპრესნიუსი,

სოციალური ქსელები

კალაძე: კომპანია მარიჯანის N4-ში რომელიც ამჟამად აწარმოებს სამუშაოებს, თავად დაზარალებულებმა შეარჩიეს

თბილისში უკრაინაში დაღუპული მოხალისეების ხსოვნისადმი მიძღვნილი მსვლელობა გაიმართება

შეერთებულმა შტატებმა საქართველოს სასაზღვრო კომუნიკაციებისთვის ათობით როუტერი გადასცა

შინაგან საქმეთა სამინისტრომ „ქურდულ სამყაროსთან” კავშირში მყოფი 29 პირი დააკავა, ხოლო 3 პირს ბრალი დაუსწრებლად წარედგინება, მათ შორის ერთი ”კანონიერი ქურდია”