დიუშენის მქონე ბავშვების მშობლების თქმით, დღეს, 19:00 საათზე ჯანდაცვის მინისტრს შეხვდებიან

2026-06-19 15:34:10, 3047 ნახვა

პოლიტიკა

"პარასკევს, 19 ივნისს 19:00 ზე დიუშენით დაავადებული ბავშვების მშობლები ჯანდაცვის მინისტრს, ბატონ მიხეილ სარჯველაძეს შეხვდებიან. მთავარი განსახილველი საკითხია დიუშენის სამკურნალო პრეპარატების შემოტანასთან დაკავშირებით ფარმაცევტულ კომპანიებთან კომუნიკაცია ასევე ის საკითხები, რაც გამოვლინდა მულტიდისციპლინური გუნდის საქმიანობის პროცესში.

კვირას 21 ივნისს 16:00 ზე სასტუმრო თბილისი მერიოტში გაიმართება ორგანიზაცია „ერთად ვებრძოლოთ დიუშენის კუნთოვან დისტროფიას" წევრთა საერთო კრება. კრებაზე განიხილება გასული წლის განმავლობაში ორგანიზაციის საქმიანობის ანგარიში, ასევე ორგანიზაციის მიმდინარე და სამომავლო აქტივობები და სხვა აქტუალური საკითხები. კრების პირველი ნაწილი მედიისთვის ღიაა. დასწრება ასევე შეუძლია ნებისმიერ დაინტერესებულ პირს", - ნათქვამია განცხადებაში.

Patreon P მხარი დაუჭირე "ექსპრესნიუსს" →

ავტორი: ექსპრესნიუსი,