„ლუკოილის“ ვოლგოგრადნეფტეპერერაბოტკას ნავთობგადამამუშავებელმა ქარხანამ 29 მაისს შეწყვიტა ნავთობის გადამუშავება უპილოტო საფრენი აპარატის (UAV) თავდასხმის შედეგად გამოწვეული ხანძრის გამო, განუცხადა „როიტერს“ ინდუსტრიის ორმა წყარომ.

მათი ინფორმაციით, დაზიანდა ძირითადი პირველადი და ზოგიერთი მეორადი ბლოკი. კერძოდ, გაითიშა AVT-1 პირველადი ნავთობგადამამუშავებელი ბლოკი, რომლის სიმძლავრე დღეში 18,600 ტონაა (ქარხნის სიმძლავრის 40%), AVT-6 (ქარხნის სიმძლავრის 32%) და AVT-5 (19%).

29 მაისს, რეგიონულმა ადმინისტრაციამ, გუბერნატორ ანდრეი ბოჩაროვზე დაყრდნობით, რეგიონში მასშტაბური დრონებით თავდასხმის და სამხრეთ ვოლგოგრადში საწვავისა და ენერგეტიკის ობიექტებში ხანძრის შესახებ განაცხადა, თუმცა საწარმოების დასახელება არ დაუკონკრეტებია.

ვოლგოგრადის ნავთობგადამამუშავებელი ქარხნის მიერ წარმოებული ნავთობპროდუქტები 1 ივნისს სანქტ-პეტერბურგის საერთაშორისო სასაქონლო ბირჟაზე გასაყიდად არ იყო გამოტანილი.

ტრეიდერების მონაცემებით, 2024 წელს ვოლგოგრადის ნავთობგადამამუშავებელმა ქარხანამ 13.5 მილიონი ტონა ნავთობი გადაამუშავა (რუსეთის ნავთობგადამამუშავებელ ქარხნებში გადამუშავებული მთლიანი მოცულობის დაახლოებით 5%), წარმოებული იქნა 1.9 მილიონი ტონა საავტომობილო ბენზინი, 6.0 მილიონი ტონა დიზელის საწვავი და 0.7 მილიონი ტონა მაზუთი.

ავტორი: ექსპრესნიუსი,

სოციალური ქსელები

ე.წ. სააფთიაქო ნარკომანიის საქმეზე ჯანდაცვის მინისტრის ყოფილი მოადგილე დააკავეს

NGO-ები: წლებია, წამებას და არასათანადო მოპყრობას სახელმწიფო პოლიტიკურ იარაღად იყენებს

საია-ში განმარტავენ, რას ეხება მზია ამაღლობელის საქმეზე სტრასბურგში წარდგენილი მე-4 სარჩელი

ყალბი რეკლამით მოქალაქეებს ბინების მშენებლობა-რემონტს სთავაზობდნენ, მიისაკუთრეს 242 000 ლარი